Hezekeli 48:14 - Siswati 1996 Bible

¹⁴ Abayikusitsengisa, futsi abayiwuntjintjisa nangalokuncane kwaso. Lena nguyona ncenye yelive yelikhetselo, akukafaneli yendluliselwe kuletinye tandla, ngobe ingcwele kuSimakadze.

Hezekeli 48:14 Referencias Cruzadas

Eksodusi 22:29

“Ungayekeli kunikela ngesivuno sakho semabele neseliwayini nasekuvunwa. “Ungiphe litubulo lemadvodzana akho.

Eksodusi 23:19

“Tilinga letinhle tetilimo takho tekwendvulelisa ubotiletsa endlini yaSimakadze longuNkulunkulu wakho. “Ungalipheki lizinyane lemvu nome lembuti elubisini lwenina.”

Hezekeli 48:12

Kuyawuba sipho selikhetselo kubo, esabelweni lesingcwele selive, indzawo lengcwelengcwele, ngasemnyeleni welive lemaLevi.

Hezekeli 48:13

“Kugudla live lebaphristi, emaLevi ayawuba nesabelo lesingemakhilomitha lali-12 nesigamu budze, nemakhilomitha langaba sihlanu bubanti. Sebubonkhe budze baso buyawuba ngemakhilomitha langaba li-12 nesigamu, nemakhilomitha langaba sihlanu bubanti.

Levithikusi 23:20

Umphristi uyawukujikitisa kanye nesinkhwa setitselo tekucala, kube ngumnikelo wekujikitiswa kuSimakadze nalamazinyane emvu lamabili, ayawuba ngcwele kuSimakadze, abe sabelo salomphristi.

Levithikusi 25:32

EmaLevi wona ayawuba nelilungelo lekuhlenga tindlu tawo nome ngunini kulawo madolobha lasesandleni sawo.

Levithikusi 25:34

Kodvwa emadlelo langewemadolobha awo akayiwuze atsengiswe, ngobe lifa lawo laphakadze.’ ”

Levithikusi 27:28

“ ‘Kodvwa kufanele kubete umuntfu lotawutsengisa nome lotawuhlenga loko lesekunikelwe kuSimakadze, nome kungumuntfu, nome kusilwane, nome kungumhlaba lolifa lakhe. Konkhe loko sekuyawuhlala kukwaSimakadze kungcwelengcwele.

KubaseRoma 8:23

Kodvwa akusiyo indalo yodvwa; natsi futsi lesiphiwe Moya losibambiso siyabubula etinhlitiyweni tetfu silindzele ngekulangatelela lokukhulu kunikwa simo sebudvodzana, kube kukhululwa kwemitimba yetfu.