Hezekeli 48:11 - Siswati 1996 Bible

¹¹ Leyo-ke kuyawuba yebaphristi labehlukaniselwe, bakaSadoki, lababetsembekile ekungikhonteni, bangete beduka njengobe kwenta emaLevi ngesikhatsi kweduka ema-Israyeli.

Hezekeli 48:11 Referencias Cruzadas

Hezekeli 14:11

Yebo, sive sema-Israyeli singeke siphindze seduke kimi, futsi singeke siphindze sitingcolise ngato tonkhe letono taso. Bayawuba bantfu bami, mine ngibe nguNkulunkulu wabo, kusho iNkhosi Simakadze.’ ”

Hezekeli 40:46

lelikamelo lelalibheke ngasenyakatfo lalilebaphristi lababekhonta elatini. Labaphristi kwakuyintalelwane yaSadoki, kwakungabo kuphela emalunga labewesive semaLevi labenelilungelo lekusondzela ebukhoneni baSimakadze ayewumkhonta.

Hezekeli 43:19

Kufanele unikele ngenkunzana kutsi ibe ngumnikelo wesono kubaphristi, labangemaLevi, bendlu yakaSadoki, labasondzelako kutewukhonta embikwami, kusho iNkhosi Simakadze.

Hezekeli 44:10

“ ‘EmaLevi langibalekela ngesikhatsi ema-Israyeli eduka nangesikhatsi azulazula esuka kimi, alandzela tithico tawo, kufanele ayetfwale leyo miphumela yesono sawo.

Hezekeli 44:12

Kodvwa njengobe abebakhonta embikwetithico tabo enta indlu yaka-Israyeli yawela esonweni, ngako-ke ngifunge ngesandla lesiphakanyisiwe kutsi kufanele etfwale imiphumela yesono sawo, kusho iNkhosi Simakadze.

Hezekeli 45:4

Kuyawuba yindzawana lengcwele eveni, leyehlukaniselwe baphristi labasondzela kuSimakadze bakhonte ethempelini lakhe. Iyakuba yindzawo yetindlu tabo, ibe nendzawo yelithempeli.

Hezekeli 48:12

Kuyawuba sipho selikhetselo kubo, esabelweni lesingcwele selive, indzawo lengcwelengcwele, ngasemnyeleni welive lemaLevi.

Levithikusi 8:35

Kufanele nihlale ekungeneni kwelithende lekuhlangana, imini nebusuku, kuze kuphelele emalanga lasikhombisa, nente loko Simakadze latsite nikwente. Lomyalo lengininika wona nami lengiwunikwe nguSimakadze nibowenta, khona ningetikufa.”

1 yaPhetro 5:4

Mhlazana kubonakala uMelusi Lomkhulu, niyakwemukela umchele webukhosi longagugi.

Sembulo 2:10

Ungakwesabi loko lotakuhluphekela. Buka la, Sathane utawufaka labanye benu ejele, kuze nitewuvivinywa; nitawuhlushwa emalanga lalishumi. Yetsembeka kuze kube ngusekufeni, ngiyawukupha umchele wekuphila.