Hezekeli 47:5 - Siswati 1996 Bible

⁵ Yabuye yakala lamanye futsi emamitha labengaba ngema-500, lapho-ke umfula wase ushona kakhulu, kangangekutsi ngangingasakhoni kuklubhuta ngetinyawo. Kwase kushona kakhulu kumatima kwewela ngaphandle kwekuhlamba.

Hezekeli 47:5 Referencias Cruzadas

Isaya 11:9

Kungeke kulimate futsi kungeke kubulale nome ngangukuphi entsabeni yami lengcwele, ngobe umhlaba uyawugcwala kwati Simakadze, njengobe nemanti agcwalisa lwandle.

Hezekeli 47:4

Yaphindza yakala lamanye emamitha labengaba ngema-500 emanti akhuphukela emadvolweni. Yakala lamanye futsi emamitha labengaba ngema-500 kwewuka, emanti efika elukhalo.

Habakhuki 2:14

Ngobe umhlaba uyawugcwala kwati bukhosi baSimakadze, njengaloku emanti asibekela lwandle.

Sembulo 11:15

Ingilosi yesikhombisa yashaya licilongo layo, kwase kuba nemisindvo lemikhulu kakhulu ezulwini itsi: “Umbuso walomhlaba sengumbuso weNkhosi yetfu, naKhristu wakhe; iyawubusa kuze kube phakadze naphakadze!”

Sembulo 7:9

Emvakwaloko ngatsi ngiyabuka ngabona sicumbi lesikhulu sebantfu lesingeke sibalwe ngumuntfu. Kwakubantfu lababephuma etiveni tonkhe, nasemindenini yonkhe, nasemaveni onkhe, nasetilimini tonkhe. Babeme embikwesihlalo sebukhosi nasembikweliWundlu, bembetse tingubo letimhlophe, etandleni baphetse emagala elisundvu.