Hezekeli 47:22 - Siswati 1996 Bible

²² Kufanele nilabe ngenkatho njengelifa lenu nalabo lababetive labahlala emkhatsini wenu, lasebatele nebantfwana. Niyakubatsatsa njengemisinsi yekutimilela yema-Israyeli. Nabo njengani kufanele babelwe lifa emkhatsini wetive tema-Israyeli.

Hezekeli 47:22 Referencias Cruzadas

Isaya 14:1

Simakadze utawubonakalisa sihawu sakhe kuJakobe, utawuphindza futsi akhetse ema-Israyeli, awabuyisele eveni lawo. Betive batawutihlanganisa nawo, batihlanganise nendlu yaJakobe.

Hezekeli 45:1

“ ‘Nase kwabiwa live ngenkatho kunikwa leso naleso sive lifa laso, lesinye sabelo sibohlukaniselwa Simakadze. Kufanele sibe ngemakhilomitha langaba li-12 nesigamu budze, nemakhilomitha langaba sihlanu bubanti. Yonkhe-ke leyo ndzawo iyawuba ngcwele.

Hezekeli 47:21

“Lelive niyakulehlukaniselana emkhatsini wenu ngekwetive taka-Israyeli.

Hezekeli 47:23

Nome ngukusiphi sive lapho lona wetive ahleti khona, kufanele nimabele khona lapho naye sabelo selifa,” kusho iNkhosi Simakadze.

Hezekeli 48:29

“Leli-ke live leniyawulaba ngenkatho njengelifa letive tema-Israyeli, loko-ke kuyawuba tabelo tabo,” kusho iNkhosi Simakadze.

Levithikusi 19:34

Umchamuki lohlala eveni lakini ubomphatsa njengemuntfu wakini. Umtsandze njengobe utitsandza wena, ngobe nani nake naba tihambi eveni laseGibhithe. NginguSimakadze.

Imisebenti yebaPhostoli 11:18

Batsi nabeva loko, babindza, base badvumisa Nkulunkulu batsi: “Nembala Nkulunkulu sewunike nebetive litfuba lekuphendvukela ekuphileni.”

Imisebenti yebaPhostoli 15:9

Akentanga umehluko emkhatsini wetfu nabo; ngekukholwa wabahlanta tinhlitiyo.

KubaseRoma 10:12

Kute umehluko emkhatsini wemJuda nemGriki ngobe yona leyo Nkhosi yiNkhosi yabo bonkhe, bonkhe labatibika ngekubita libito layo ibenetisa ngetibusiso ngalokuphuphumako.

Kubase-Efesu 3:6

Imfihlakalo ngulokutsi betive nabo sebatindlalifa kanye natsi, nekutsi sebangumtimba munye kanye natsi, futsi sebabahlanganyeli besetsembiso kanye natsi kuJesu Khristu ngeliVangeli.

Dutheronomi 10:19

Kufanele nibatsandze labo labatihambi, ngobe nani nake naba tihambi eveni laseGibhithe.

KubaseKholose 3:11

Kulabanjalo kute umehluko emkhatsini wemGriki nemJuda, walosokile nalongakasoki, wetive nemSikithi, sigcili nalokhululekile, kodvwa Khristu ungiko konkhe, futsi ukubo bonkhe.