Hezekeli 47:18 - Siswati 1996 Bible

¹⁸ “Ngasemphumalanga umnyele uyawudzabula emkhatsini weHawurani neDamaseko, ugudle iJordani, emkhatsini weGileyadi nelive laka-Israyeli, ucondze elwandle lwasemphumalanga, uze uyewufika eThamari. Lowo-ke kuyawuba ngumnyele wangasemphumalanga.

Hezekeli 47:18 Referencias Cruzadas

Genesisi 13:10

Loti watsi naphakamisa emehlo akhe, wabona litsafa lelinesihlambo semfula iJordane, linemanti lenele yonkhe indzawo, kuze kuyewufika eSowari; lalinjengensimi yaSimakadze nanjengelive laseGibhithe. Ngalesikhatsi Simakadze abesengakayibhubhisi iSodoma neGomora.

Genesisi 13:11

Ngako-ke Loti wakhetsa lonkhe litsafa lelalinesihlambo semfula iJordane, wacondza ngasemphumalanga. Kwaba kwehlukana kwabo-ke njalo.

Genesisi 31:23

watsatsa bomnakabo wamlandzela amcosha ngemuva, kwadzimate kwaphela emalanga lasikhombisa, waze wamkhandza etintsabeni takaGileyadi.

Genesisi 31:47

Labani wasetsa watsi yiJega Sahadutha; kodvwa Jakobe wasetsa watsi yiGaledi.

Genesisi 37:25

Bahlala phansi badla. Batsi basadla babona ludvwendvwe lwema-Ishmayeli luchamuka kaGileyadi lwehlela eGibhithe. Emakamela abo abetfwele tinandzisi tekudla nemakha.

Jobe 40:23

Kuhhulukuhlela kwemanti emfula akuyetfusi, idlalisela ngekuntjweza, lite nome iJordane seyigcwele igola tintsetse.

Jeremiya 50:19

Kodvwa Israyeli ngitambuyisela emuva edlelweni lakhe, uyawuklaba eKhameli naseBhashani. Kukhanuka kudla kwakhe kuyakweneliseka etintsabeni taka-Efrayimu nakaGileyadi.

Hezekeli 47:16

naseBerotha, naseSibrayimu lesemkhatsini weminyele yelive laseDamaseko neyalaseHamathi, udzimate uyewufika eHaseri Hathikhoni, lesemnyeleni waseHawurani.

Joweli 2:20

“Imphi yesitsa sangasenyakatfo ngitayicosha isuke kini, ngiyivimbetele eveni lelilihlane. Lingembili layo licondze elwandle lwangasemphumalanga, lingemuva layo licondze elwandle lwangasenshonalanga. Luboti lwayo luyawuphakama, nekunuka kwayo kwenyuke.” Ngempela wente tintfo letinkhulu.

Numeri 32:1

EmaRubeni nemaGadi labenemihlambi lemikhulu yetinkhomo, netimvu, netimbuti abona ematsafa aseJazeri naseGileyadi kutsi abelungele kuba ngemadlelo.

Numeri 34:10

“ ‘Umnyele wenu ngasemphumalanga utawuhamba usuke eHasari Enani uze ufike eShefamu.

Tikhulu 10:8

labancoba ngalowo mnyaka abacindzetela. Kwadzimate kwaphela iminyaka leli-18 solomane baka-Israyeli bacindzetelekile bonkhe, labebakhe ngasemphumalanga kweJordane, eveni lema-Amori, kulakaGileyadi.