Hezekeli 47:12 - Siswati 1996 Bible

¹² Kuyawukhula tinhlobonhlobo tetihlahla tetitselo ngala nangale elusentseni lwemfula. Emacembe ato akasoze abune, netitselo tato tingeke tiphele. Tiyawutsela ngato tonkhe tinyanga, ngobe emanti lasuka ethempelini ageletela kuto. Titselo tato tiyawuba tekudla, bese kutsi emacembe ato abe ngewekuphilisa.”

Hezekeli 47:12 Referencias Cruzadas

Genesisi 2:9

Nkulunkulu Simakadze wamilisa emhlabatsini tonkhe tihlahla letibukekako letimnandzi; ekhatsi nensimi wamilisa sihlahla sekuphila kanye nesihlahla sekwati lokuhle nalokubi.

Jobe 8:16

Umuntfu lonjalo ufanana nesitjalo lesiniselwa kahle kantsi siselangeni, senabisela imiliba yaso kuyo yonkhe insimi.

Tihlabelelo 1:3

Unjengesihlahla lesihlanyelwe elusentseni lwemifula, sona sitsela titselo ngesikhatsi sato emacembe aso akabuni. Konkhe lakwentako kuyaphumelela.

Tihlabelelo 92:12

Lolungile uhluma njengelisundvu, akhule njengemsedari waseLebanoni.

Isaya 1:6

Kusukela elutwaneni lwelunyawo lwenu kuze kuyewufika enhloko yenu, kute nakunye lokukahle, kugcwele emanceba, nemihuzuko, netilondza letikhamisile, lekungazange kugezwe nome kuboshwe kubuye kugcotjiswe ngemafutsa.

Isaya 60:21

Lapho-ke bonkhe bantfu bakho bayawuba ngulabalungile, bayawuba banikati belive kokuphela. Bangimiliba lengiyihlanyele, umsebenti wetandla tami, wekubonakalisa inkhatimulo yami.

Isaya 61:3

labakhala eSiyoni babonelelwe, banikwe umchele webuhle esikhundleni semlotsa, banikwe nemafutsa enjabulo esikhundleni sesililo, banikwe ingubo yekudvumisa esikhundleni semoya lodzabukile. Bayawubitwa ngekutsi batihlahla tekulunga, letihlanyelwe nguSimakadze, kuze kubonakaliswe inkhatimulo yakhe.

Jeremiya 17:8

Uyawufanana nesihlahla lesihlanyelwe ngasemfuleni wemanti, lesenabisela timphandze taso ngasemfuleni. Asesabi nakuta kushisa, emacembe aso ahlala aluhlata. Asihlupheki nangemnyaka wesomiso, asihlali singatseli titselo taso.”

Jeremiya 8:22

Sekute yini ibhalisamu kulakaGileyadi? Sekute yini inyanga lapho? Kepha sekute leni kuphiliswa kwemanceba ebantfu bami?

Hezekeli 47:7

Ngatsi nangifika lapho, ngabona lihlatsi ngala nangale kwemfula.

Sembulo 22:2

Ageleta ehla nemgwaco welikhaya. Ngale nangale kwalomfula bekunesihlahla sekuphila. Besitsela titselo emahlandla lali-12 ngemnyaka, lokusho kutsi kanye ngenyanga. Emacembe aso abephilisa tive.