Hezekeli 46:12 - Siswati 1996 Bible

¹² “ ‘Nangabe umbusi alungisa umnikelo wakhe wesihle kuSimakadze, nome ngumhlatjelo wekushiswa samuku nome iminikelo yebudlelwane, lisango langasemphumalanga lelingenela esibuyeni sangekhatsi liyawuvulelwa yena. Uyawukwenta umnikelo wakhe njenganakenta ngemalanga emaSabatha, lelisango kufanele liphindze livalwe, nase aphumile.’ ”

Hezekeli 46:12 Referencias Cruzadas

1 Emakhosi 3:4

Inkhosi yahamba yaya eGibeyoni yayawunikela ngemihlatjelo, ngobe leyo bekunguyona ndzawo lephakeme lemcoka. Solomoni-ke wanikela ngenkhulungwane yeminikelo yekushiswa kulelo lati.

1 Tikhronike 29:21

Ngelilanga lelilandzelako benta imihlatjelo neminikelo yekushiswa kuSimakadze: tinkunzi letiyinkhulungwane, netihhanca letiyinkhulungwane, nemazinyane lamadvuna etimvu latinkhulungwane, neminikelo yayo yetinatfo kanye naleminye imihlatjelo leminyenti, bentela Israyeli wonkhe.

2 Tikhronike 29:31

Hezekiya wakhuluma, watsi: “Nyalo senitinikele nine matfupha kuSimakadze. Wotani niletse imihlatjelo kanye neminikelo yekubonga niyiletse ethempelini laSimakadze.” Ngako lonkhe libandla laletsa imihlatjelo kanye neminikelo yekubonga, kwase kutsi bonkhe lababenetinhlitiyo letivumako baletsa iminikelo yekushiswa.

2 Tikhronike 5:6

Inkhosi Solomoni ikanye naso sonkhe sive sema-Israyeli lesasiyisingatsile babesembikwelibhokisi lesivumelwane benta umhlatjelo wetimvu letinyenti newetinkhomo letinyenti, kangangekutsi tatingeke tikhoneke kubalwa nekubhalwa phansi.

Ezra 1:4

Nakukhona umuntfu loyinsali yebatfunjwa lodzinga lusito ngekubuyela emuva, makhelwane wakhe akamsite. Kufanele labo bantfu basitwe ngesiliva, nangegolide, nangetimphahla, nangetifuyo kanye nangeminikelo yesihle yelithempeli laNkulunkulu waseJerusalema.’ ”

Ezra 3:5

Emvakwaloko, base banikela ngeminikelo leshiswa samuku, lenikelwa njalo, nemihlatjelo yekwetfwasa kwenyanga kanye nayo yonkhe imihlatjelo leyayimiselwe kutsi yentiwe kuyo yonkhe imikhosi yaSimakadze, kanye naleyo leletselwa kutsi ibe ngimihlatjelo yesihle kuSimakadze.

Ezra 6:17

Ekuvulweni kwalendlu banikela ngetinkunzi letilikhulu, nangetihhanca letingema-200, nangemazinyane etimvu langema-400. Banikela nangetiphongo letili-12, kutsi tibe ngumnikelo wesono, nguleso naleso simele sinye sive sema-Israyeli.

Hezekeli 44:1

Lendvodza yase ingibuyisela emuva esangweni lelingephandle lendzawo lengcwele, lelo lelibheke emphumalanga, lalivaliwe.

Hezekeli 44:3

Inkhosi lengumbusi ngiyo kuphela lengahlala ngekhatsi kwelisango kutsi itewudla embikwaSimakadze. Kufanele ingene ngendlela yemhubhe welisango, iphindze iphume ngaleyo ndlela.”

Hezekeli 45:17

Kuyawuba ngumsebenti wakhe kutsi aletse tilwane letitawushiswa samuku, neminikelo yalokutinhlavu, neminikelo yesinatfo saso sonkhe sive saka-Israyeli ngemikhosi yekwetfwasa kwenyanga, nangemaSabatha, nangaleminye imikhosi. Kufanele aletse iminikelo yesoni, neminikelo yalokutinhlavu, neminikelo yekushiswa, neminikelo yebudlelwane, kuze atewuhlawulela tono tesive saka-Israyeli.’ ”

Hezekeli 46:8

Lombusi kufanele naphuma lapha emhubheni welisango, aphume ngaleyo ndlela langene ngayo.

Levithikusi 1:3

Nangabe anikela ngesilwane kutsi sibe ngumnikelo wekushiswa, kufanele aletse inkunzana lengenasiyela. Kufanele ayinikelele ekungeneni kwelithende lekuhlangana, khona Simakadze atewumemukela.

Levithikusi 23:38

Ngaphandle kweliSabatha laSimakadze nangaphandle kwetipho tenu kanye naleminye nje iminikelo lenitentela yona ngetetsembiso neminikelo yenu yesihle leniyinikela kuSimakadze.

Levithikusi 7:16

“ ‘Nangabe umuntfu aletsa umnikelo wekufeza setsembiso nome umnikelo wesihle, kufanele udliwe ngalelo langa lawunikela ngalo; nakukhona lokusele, kungaphindze kudliwe futsi nangakusasa.

Numeri 29:39

“ ‘Ngetulu kweminikelo yenu yesetsembiso neyesihle, niyakwentela Simakadze ngetikhatsi temikhosi yenu leminikelo lelandzelako: iminikelo yenu yekushiswa, neminikelo yenu yalokutinhlavu, neminikelo yenu yesinatfo kanye neminikelo yenu yekuthula.’ ”

KubaseRoma 12:1

Ngako-ke, bazalwane, njengobe Nkulunkulu ube nesihawu lesikhulu kangaka kitsi, ngiyanincenga ngitsi nikelani imitimba yenu ibe ngumnikelo lophilako, nalongcwele, nalowemukeleka kuNkulunkulu; leyo-ke nguyona nkonzo yenu sibili.

Kubase-Efesu 5:2

Niphile imphilo yelutsandvo, njengobe naKhristu asitsandza watinikela ngenca yetfu, waba ngumnikelo nemhlatjelo loliphunga lelimnandzi kuNkulunkulu.