Hezekeli 45:8 - Siswati 1996 Bible

⁸ Lendzawo iyawuba sabelo sembusi lobusako eveni laka-Israyeli, kuze angasayiwuphindza acindzetele bantfu bami, kodvwa uyawuvumela lonkhe leli lelinye live libe letive tema-Israyeli.’ ”

Hezekeli 45:8 Referencias Cruzadas

Taga 28:16

Umbusi lobusa ngencindzetelo usilima; kodvwa lotondza kutsengeka uyawuphila sikhatsi lesidze.

Jeremiya 22:17

“Kodvwa emehlo akho nenhlitiyo yakho uwabeke enzuzweni lembi, ekucitseni ingati yalongenacala, yebo, nasencindzetelweni nasekudizeni.”

Jeremiya 23:5

Simakadze utsi: “Ayeta emalanga, lapho ngiyawukuvusela khona Davide Ligala lelilungile, iNkhosi leyawubusa ngekuhlakanipha, yente lokucotfo nalokulungile eveni.

Hezekeli 19:3

Wakhulisa lelinye lalamagomodlwane akhe, lakhula laba libhubesi lelinemandla. Lafundza nalo kudladlabula tinyamatane litidle, lashwabudzela nebantfu.

Hezekeli 19:7

Labhidlita tinqaba tabo, labhubhisa nemadolobha abo. Live kanye nalabo labakhile kulo betfuka batfutfumela ngenca yekubhavumula kwalo.

Hezekeli 22:27

Tiphatsimandla talo letisemkhatsini welive tifanana netimphisi letidladlabula tinyamatane tato; ticitsa ingati tibulale bantfu, khona titewutfola inzuzo lembi.

Hezekeli 22:6

“ ‘Ase ubuke kutsi leso naleso sikhulu saka-Israyeli lesikuwe siwasebentisa kanjani emandla aso ekucitseni ingati.

Hezekeli 46:18

Umbusi lobusako akufanele emuke ngenkhani bantfu bakhe live labo. Live layakulipha emadvodzana akhe kufanele kube nguleliyincenye yelive lakhe, lelisabelo sakhe, khona angayiwuze acindzetele bantfu bami ngekubemuka live labo.’ ”

Zefaniya 3:13

“Imisalela yaka-Israyeli ingeke ikwente lokubi; ingeke iwakhulume emanga, nenkhohlakalo ingeke itfolakale emilonyeni yayo. Lemisalela iyakudla, icambalale phansi, kute futsi umuntfu loyakuyesabisa.”

YaJakobe 2:6

Kepha nine nimdvumatile lona lophuyile. Akusibo labacebile yini labanicindzetelako? Akusibo yini labo labanimangalela etinkantolo?

Joshuwa 11:23

Ngako Joshuwa walidla lonkhe live, konkhe kwaya njengobe Simakadze abelayele Mosi; wase uyalaba, kwaba nguleso sive wasinika sabelo saso. Live latfola kuphumula kuleto timphi.

Joshuwa 19:49

Batsi kube bacedze kwaba lelive ngekwetigaba talo, baka-Israyeli banika Joshuwa, umsa waNuni, sabelo lesilifa lakhe emkhatsini wabo,