Hezekeli 45:5 - Siswati 1996 Bible

⁵ Indzawo lesele lengemakhilomitha langaba li-12 nesigamu budze, nebubanti lobungemakhilomitha langaba sihlanu, kufanele ibe sabelo semaLevi languwona enta inkonzo ethempelini. Kuyawuba nemadolobha lapho batawuhlala khona.

Hezekeli 45:5 Referencias Cruzadas

Hezekeli 40:17

Lendvodza yase ingimikisa esibuyeni lesasingephandle. Nalapho ngafike ngabona emakamelo nesiyilo lesasakhiwe kuso sonkhe lesibuya kusitungeleta; kwakunemakamelo langema-30 kulesibuya, embikwawo kwakunelibala lelaliyilwe ngematje.

Hezekeli 48:10

Lena-ke kuyawuba yindzawo lengcwele leyehlukaniselwe baphristi. Iyawuba ngemakhilomitha langaba li-12 nesigamu budze ngasenyakatfo, nemakhilomitha langaba sihlanu bubanti ngasenshonalanga, nemakhilomitha langaba sihlanu bubanti ngasemphumalanga, nemakhilomitha langaba li-12 nesigamu budze ngaseningizimu. Kuyawutsi enkhabeni yalo kube nelithempeli laSimakadze.

Hezekeli 48:13

“Kugudla live lebaphristi, emaLevi ayawuba nesabelo lesingemakhilomitha lali-12 nesigamu budze, nemakhilomitha langaba sihlanu bubanti. Sebubonkhe budze baso buyawuba ngemakhilomitha langaba li-12 nesigamu, nemakhilomitha langaba sihlanu bubanti.

Hezekeli 48:20

Yonkhe leyo ndzawo iyawuba sikwele, emacala ayo ayawuba ngemakhilomitha langaba li-12 nesigamu lilinye. Njengesipho senu selikhetselo, niyawubeka eceleni lendzawo lengcwele kanye nendzawo yelidolobha.

Levithikusi 23:42

Niyawuhlala emadlangaleni emalanga lasikhombisa, bonkhe lababewutalwa baka-Israyeli bayawuhlala emadlangaleni,

Numeri 35:2

“Yala ema-Israyeli kutsi abele emaLevi lawo madolobha latawuhlala kuwo kuleso sabelo lesitawuba ngesawo ema-Israyeli. Wabeleni nalawo madlelo latungelete lawo madolobha.