Hezekeli 44:9 - Siswati 1996 Bible

⁹ “ ‘Naku lokushiwo yiNkhosi Simakadze, itsi: Kufanele kubete namunye wetive longakasokwa enhlitiyweni nasenyameni longena endzaweni yami lengcwele, kubete ngisho nebetive labahlala emkhatsini wema-Israyeli.’ ”

Hezekeli 44:9 Referencias Cruzadas

Tihlabelelo 24:3

Ngubani loyakwenyuka intsaba yaSimakadze? Ngubani loyakuma endzaweni yakhe lengcwele?

Tihlabelelo 50:16

Kodvwa kulomubi Nkulunkulu utsi: “Unalungelo lini lekukhuluma ngetimiso tami uphatse sivumelwane sami ngemlomo wakho?

Tihlabelelo 93:5

Bufakazi bakho buciniseke kakhulu, bungcwele buyifanele indlu yakho, phakadze naphakadze, Simakadze.

Eksodusi 12:48

Nangabe kunewetive lowakhe emkhatsini wenu lofisa kuwugcina naye lomkhosi, kufanele bonkhe labadvuna labasendlini yakhe basokwe. Naye-ke angalidla, ngobe sewuyawutsatfwa njengewekutalwa. Longakasoki akufanele alidle leliPhasika.

Hezekeli 44:7

Ngetulu kwato tonkhe letinye tintfo tenu lenitentako letinengekako niletse betive labangakasokwa enhlitiyweni nasenyameni, nabangenisa endzaweni yami lengcwele, nangcolisa lithempeli lami ngesikhatsi ninikela kimi ngekudla, nangemanoni, nangengati, nephula sivumelwane sami.

Joweli 3:17

“Niyawube seniyati-ke kutsi: Mine, Simakadze, Nkulunkulu wenu, ngihlala eSiyoni, intsaba yami lengcwele. IJerusalema iyawuba ngcwele, kute betive labayawuphindze bayihlasele.

Levithikusi 26:41

lokungukona kwangenta ngaze ngabayisa eveni letitsa tabo, nangabe netinhlitiyo tabo letingakasoki titfobeka bayikhipha nenkhokhelo yesono sekuhlubuka kwabo,

Zakhariya 14:21

Onkhe emabhodo aseJerusalema newakaJuda ayakwehlukaniselwa Simakadze longuSomandla, kutsi bonkhe labetako kutakwenta umhlatjelo batsatse lamanye alamabhodo bapheke ngawo. Ngalelo langa sewuyawubate umtsengisi endlini yaSimakadze longuSomandla.

Makho 16:16

“Lowo lokholwako abhajatiswe, uyawusindziswa; kodvwa lowo longakholwa, uyawulahlwa.

Dutheronomi 23:4

ngobe abazange banihlangabete ngesinkhwa nangemanti eluhambeni lwenu nanisuka eGibhithe; kodvwa bacasha Bhalamu, umsa waBheyori, wasePhethori, kulaseMesophothamiya kutsi anicalekise.

Sembulo 21:27

Kute lokungcolile lokuyawungena kulo, ngisho nalowenta lokubi nalonemacebo angeke angene kulo; kodvwa kuyawungena kuphela labo emabito abo labhaliwe encwadzini yekuphila yeliWundlu.