Hezekeli 44:19 - Siswati 1996 Bible

¹⁹ Nase baphumela esibuyeni lesingephandle, lapho kunebantfu khona, kufanele batikhumule letimphahla tabo bebatembetse nabakhontako, bese batishiya emakamelweni langcwele, bembatse letinye timphahla, kuze bangetiwulimata bantfu ngetimphahla tabo letingcwele.

Hezekeli 44:19 Referencias Cruzadas

Eksodusi 29:37

Loku ubokwenta onkhe lamalanga lasikhombisa. Lelilati litawuba ngcwele ngalokuphelele; lowo nome loko lokulitsintsako kutawulinyatwa ngemandla ebungcwele balo.”

Eksodusi 30:29

Tonkhe letimphahla ubotinikela, khona titewuba ngcwele ngalokuphelele; loko lokutitsintsako kutawulinyatwa bungcwele bato.

Hezekeli 46:20

yatsi: “Lena-ke yindzawo, lapho baphristi batabobilisela khona inyama yemhlatjelo welicala neyemnikelo wesono, nalapho batawubhakela khona umnikelo wafulaha, kuze kutebate nakunye lokungcwele lokuyawukhishelwa esibuyeni lesingephandle, lapho kungahle kulimate bantfu khona.”

Levithikusi 16:23

“Aroni uyawube sewubuyela ethendeni lekuhlangana, afike akhumule letembatfo takhe leticolisakele labetigcoke nakayewungena endzaweni lengcwelengcwele, atishiye khona lapho.

Levithikusi 16:4

“Ngaphambi kwekutsi Aroni angene endzaweni lengcwelengcwele, kufanele atigeze ngemanti bese ugcoka letembatfo tebuphristi: ingubo lengcwele yelineni lete umkhono, nelibhuluko langaphansi lelineni, nelibhande laselukhalweni kanye nemshuculo wenhloko.

Levithikusi 6:27

Umuntfu nome yini letsintsa inyama yalesilwane kuyawuba ngcwele. Nangabe ingati yalesilwane semhlatjelo ichaphateleke emphahleni nome engutjeni, kufanele igezelwe endzaweni lengcwele.

Levithikusi 6:3

nome asatfole lokwakulahlekile, akuphike aze afungele lite, nome-ke one ngekwenta nome ngabe yini lembi umuntfu langahle one ngayo,

Levithikusi 6:4

uyawuba nelicala lekona. Kufanele abuyisele leyontfo layitfole ngekuyeba, nome layitfole ngebucili, nome layiniketiwe kutsi ayigcine, nome lebekulahlekile wakutfola,

Hagayi 2:12

Nangabe umuntfu aphetse inyama leyehlukaniselwe Nkulunkulu ishumphetelwe engutjeni yakhe, bese kutsi lomphetfo wakhe utsintse sinkhwa, nome sitjulo, nome liwayini, nome emafutsa, nome lokunye nje kudla, kuyaye bese kuba ngulokwehlukaniselwe Nkulunkulu yini?’ ” Baphristi baphendvula, batsi: “Cha.”