Hezekeli 44:13 - Siswati 1996 Bible

¹³ Akukafaneli asondzele atengikhonta njengebaphristi nome-ke asondzele nome ngangukutiphi tintfo tami letingcwele nome iminikelo lengcwelengcwele; kufanele aletfwale lihlazo ngaletento tabo letisinengiso.

Hezekeli 44:13 Referencias Cruzadas

2 Emakhosi 23:9

Nome baphristi baletindzawo letiphakeme bangazange bakhonte elatini laSimakadze eJerusalema, noko sinkhwa lesingenamvubelo babesidla kanye nalabanye baphristi.

Jeremiya 3:25

Asilale phansi ngenca yelihlazo letfu, sidliwe ngemahloni. Sonile kuSimakadze Nkulunkulu wetfu, yebo, tsine kanye nabobabe betfu; kusukela ebusheni betfu kuze kube ngulamuhla, asikamlaleli Simakadze Nkulunkulu wetfu.”

Hezekeli 16:61

Uyawube sewuyatikhumbula-ke tindlela takho, ube nemahloni nase wemukela bodzadzewenu, yebo, labo labadzala kunawe kanye nalabo labancane kunawe. Ngiyawukunika bona njengemadvodzakati, noko, hhayi njengekutsi ngente nawe sivumelwane.

Hezekeli 16:63

Ngiyawutsi-ke nase ngikwentele inhlawulo yakho, yako konkhe loku lose ukwentile, bese uyakhumbula udliwe ngemahloni, ungaphindzi uwuvule umlomo wakho ngenca yalokuhlazeka kwakho lokungaka, kusho iNkhosi Simakadze.’ ”

Hezekeli 32:20

Bayawukuwa emkhatsini walabo lababulewe ngenkemba. Inkemba seyikhokhiwe; iGibhithe ayihudvulwe kanye nato tonkhe leto ticumbi tayo tebantfu.

Hezekeli 36:7

Ngako-ke naku lokushiwo yiNkhosi Simakadze, itsi: Ngifunga ngekuphakamisa sandla sami, ngitsi, tive lenakhelene nato tiyawuva buhlungu bekwedzelelwa.

Hezekeli 39:26

Bayakulikhohlwa lihlazo labo nako konkhe kungetsembeki kwabo labakwenta kimi, ngesikhatsi basahleti eveni labo bavikelekile, kute namunye labengabesabisa.

Numeri 18:3

Kufanele babe ngaphansi kwakho bente umsebenti wonkhe welithende, kodvwa bangasondzeli etimphahleni tendzawo lengcwele nome elatini. Nakwenteka basondzela, bona nani nitakufa.