Hezekeli 44:10 - Siswati 1996 Bible

¹⁰ “ ‘EmaLevi langibalekela ngesikhatsi ema-Israyeli eduka nangesikhatsi azulazula esuka kimi, alandzela tithico tawo, kufanele ayetfwale leyo miphumela yesono sawo.

Hezekeli 44:10 Referencias Cruzadas

Genesisi 4:13

Khayini watsi kuSimakadze: “Sijeziso sami singetulu kwemandla ami.

Nehemiya 9:34

Emakhosi etfu, nebaholi betfu, nebaphristi betfu kanye nabobabe betfu abazange bawulandzele umtsetfo wakho; abazange bayinake imiyalo yakho kanye neteluleko takho lowabanika tona.

Tihlabelelo 38:4

Tono tami tingigabhile, ngisesiswa ngumtfwalo wato losindzako.

Taga 11:31

Umuntfu lolungile utfola loko lokumfanele asesemhlabeni; kakhulu kangakanani-ke umuntfu lomubi nalosoni!

Isaya 53:11

Emvakwekuhlupheka kwemphefumulo wayo iyawukubona kukhanya kwekuphila, yeneliswe, ngelwati lwayo inceku yami lelungile iyakwenta labanyenti bemukeleke kuNkulunkulu kutsi balungile, njengobe yetfwele tiphambuko tabo.

Jeremiya 23:11

“Umphrofethi kanye nemphristi, bobabili, abakholwa kuNkulunkulu, ngisho nasethempelini ngitfola bubi babo,” kusho Simakadze.

Hezekeli 14:11

Yebo, sive sema-Israyeli singeke siphindze seduke kimi, futsi singeke siphindze sitingcolise ngato tonkhe letono taso. Bayawuba bantfu bami, mine ngibe nguNkulunkulu wabo, kusho iNkhosi Simakadze.’ ”

Hezekeli 22:26

Baphristi balo bephula umtsetfo wami bahlambalate tintfo tami letingcwele; abehlukanisi emkhatsini walokungcwele nalokutintfo nje; bafundzisa kutsi kute umehluko emkhatsini walokuhlantekile nalokungcolile ngekwemtsetfo; bavala emehlo abo bangakunaki kugcina emaSabatha ami, khona ngitewuhlanjalatwa emkhatsini wabo.

Hezekeli 44:12

Kodvwa njengobe abebakhonta embikwetithico tabo enta indlu yaka-Israyeli yawela esonweni, ngako-ke ngifunge ngesandla lesiphakanyisiwe kutsi kufanele etfwale imiphumela yesono sawo, kusho iNkhosi Simakadze.

Hezekeli 44:15

“ ‘Kodvwa baphristi, labangemaLevi lababatukulu baSadoki, labebayenta ngekwetsembeka imisebenti yendzawo yami lengcwele ngesikhatsi ema-Israyeli aphambuka kimi, kufanele bona basondzele batewukhonta embikwami. Kufanele beme embikwami batewunikela ngemhlatjelo wemanoni newengati, kusho iNkhosi Simakadze.

Hezekeli 48:11

Leyo-ke kuyawuba yebaphristi labehlukaniselwe, bakaSadoki, lababetsembekile ekungikhonteni, bangete beduka njengobe kwenta emaLevi ngesikhatsi kweduka ema-Israyeli.

Hoseya 4:9

Kuyawuba nje: Bantfu bayawufanana nebaphristi. Ngiyawubajezisa bobabili ngetindlela tabo, ngibakhokhele ngaloko lokubi labakwentile.”

Levithikusi 19:8

Wonkhe lokudlako uyawuba nelicala, ngobe uhlambalate lokungcwele lokukwaSimakadze. Lowo muntfu kufanele ancunywe esiveni sakubo.

Zefaniya 3:4

Baphrofethi balo bayatigcabha; bangemadvodza labotulujane. Baphristi balo bahlazisa indzawo lengcwele, bephule umtsetfo waNkulunkulu.

Malakhi 2:8

Kodvwa nine senisukile kuleyo ndlela, kwatsi ngalemfundziso yenu nakhubatelisa bantfu labanyenti, bawa; nisephulile sivumelwane sami naLevi,” kusho Simakadze longuSomandla.

Numeri 18:23

NgemaLevi layawukwenta umsebenti welithende lekuhlangana etfwale bubi lobuphambene nalo. Lesi kutawuba simiso lesingeyiwuphindze siguculwe titukulwane ngetitukulwane letitako. Bangeke balinikwa lifa kuma-Israyeli.

Numeri 5:31

Indvodza ingeke ibe nelicala ngaloko, kodvwa umfati uyawutetfwalela licala lakhe.’ ”

1 kuThimothi 5:22

Ungasheshi kubeka tandla kunome ngukubani, futsi ungabambisani nemuntfu etonweni takhe; tigcine umsulwa.