Hezekeli 44:1 - Siswati 1996 Bible

¹ Lendvodza yase ingibuyisela emuva esangweni lelingephandle lendzawo lengcwele, lelo lelibheke emphumalanga, lalivaliwe.

Hezekeli 44:1 Referencias Cruzadas

1 Tikhronike 9:18

Bonkhe laba bebahlala ngaseSangweni Lenkhosi lelingasemphumalanga, kuze kube ngulamuhla loku. Laba-ke bekubomahlalesangweni benkambu yemaLevi.

2 Tikhronike 20:5

Jehoshafati wasukuma wema embikwesive sakaJuda nesaseJerusalema, ethempelini laSimakadze embikwelibala lelisha,

2 Tikhronike 33:5

Kuto totimbili tibuya telithempeli laSimakadze wakha emalati ekukhonta tinkhanyeti.

2 Tikhronike 4:9

Wakha sibuya sebaphristi nesibuya sangephandle lesikhulu kanye netivalo taso, wase utembesa ngelitfusi.

Hezekeli 40:17

Lendvodza yase ingimikisa esibuyeni lesasingephandle. Nalapho ngafike ngabona emakamelo nesiyilo lesasakhiwe kuso sonkhe lesibuya kusitungeleta; kwakunemakamelo langema-30 kulesibuya, embikwawo kwakunelibala lelaliyilwe ngematje.

Hezekeli 40:6

Wase uya ngasendlini yelisango lelibheke ngasemphumalanga. Wakhuphuka titebhisi talo, wase ukala lobubanti bemphundvu yelisango, babungemamitha labengaba matsatfu.

Hezekeli 42:14

Batawutsi labaphristi bangangena kulendzawo lengcwele, bangabe basangena esibuyeni lesingephandle, bangakakhumuli tingubo labatembatsako nabakhontako, ngobe leti tingcwele. Kufanele bembatse letinye timphahla basengakasondzeli etindzaweni tebantfu.”

Hezekeli 43:1

Lendvodza yangitsatsa yangimikisa esangweni lelibheke ngasemphumalanga,

Hezekeli 43:4

Inkhatimulo yaSimakadze yangena ethempelini ngelisango lelibheke ngasemphumalanga.

Hezekeli 46:1

“ ‘Naku lokushiwo yiNkhosi Simakadze, itsi: Lisango langasemphumalanga lelingenela esibuyeni sangekhatsi kufanele lihlale livaliwe kuwo onkhe lamalanga lasitfupha emsebenti, kodvwa kufanele libovulwa ngeliSabatha nangemikhosi yekwetfwasa kwenyanga.

Hezekeli 46:12

“ ‘Nangabe umbusi alungisa umnikelo wakhe wesihle kuSimakadze, nome ngumhlatjelo wekushiswa samuku nome iminikelo yebudlelwane, lisango langasemphumalanga lelingenela esibuyeni sangekhatsi liyawuvulelwa yena. Uyawukwenta umnikelo wakhe njenganakenta ngemalanga emaSabatha, lelisango kufanele liphindze livalwe, nase aphumile.’ ”