Hezekeli 43:5 - Siswati 1996 Bible

⁵ Moya wase uyangiphakamisa wangingenisa esibuyeni sangekhatsi, inkhatimulo yaSimakadze yagcwalisa lithempeli.

Hezekeli 43:5 Referencias Cruzadas

1 Emakhosi 18:12

Angati kutsi Moya waSimakadze utakwetfwala akuyisephi, mine nangisuka lapha kuwe. Nangingahamba ngiyewutjela Ahabi, afike lapho angasakukhandzi, utangibulala. Noko mine, nceku yakho, Simakadze ngimkhonte kusukela ebusheni bami.

2 Emakhosi 2:16

bakhuluma batsi: “Buka la; tsine, tinceku takho, sinemadvodza langema-50 lanelikhono. Kungaba njani asahambe ayewufuna inkhosi yakho, mhlawumbe Moya waSimakadze uyihlwitsile, wayibeka entsabeni letsite nome esihosheni lesitsite.” Elisha wabaphendvula watsi: “Cha, ningawatfumeli.”

2 Tikhronike 5:14

baphristi abazange basakwati kuchubeka nekwenta inkonzo yabo ngenca yalelo lifu, ngobe inkhatimulo yaSimakadze yagcwalisa lithempeli laNkulunkulu.

Eksodusi 40:34

Lifu lasibekela lithende lekuhlangana, inkhatimulo yaSimakadze yagcwalisa lithende lekukhontela.

Ingoma Yetingoma 1:4

Ngitsatse ngihambe nawe, asisheshise! Inkhosi ayingingenise esigodlweni sayo. Siyajabula sikutsakasele; sitaludvumisa lutsandvo lwakho, siludvumise kwendlula liwayini. Kufanele kutsi bakutsandze.

Isaya 6:3

Abememetana odvwana, ngulelo nalelo litsi: “Ungcwele, ungcwele, ungcwele, Simakadze longuSomandla! Umhlaba wonkhe ugcwele bukhosi bakhe.”

Hezekeli 1:28

Lokukhanya kwakumtungeletile njengemushi wenkosazana ubonakala emafini, ngelilanga lekuna kwemvula. Loku bekukubonakala lokwakubonakalisa bukhosi baSimakadze. Ngatsi kube ngikubone konkhe loku, ngawa ngibhekise buso bami phansi, ngase ngiva livi lalokhulumako.

Hezekeli 10:4

Inkhatimulo yaSimakadze yase iyesuka etikwemakherubhi, yehlela emnyango welithempeli. Lifu lagcwalisa lithempeli, nesibuya sagcwaliswa bukhatikhati benkhatimulo yaSimakadze.

Hezekeli 11:1

Moya wangiphakamisa wangiyisa esangweni lendlu yaSimakadze lelalibheke ngasemphumalanga. Ekungeneni kwalelisango bekunemadvodza langema-25, emkhatsini wawo ngabona naJazaniya, umsa wa-Azuri, naPhelatiya, umsa waBhenaya, lekwakubaholi besive.

Hezekeli 11:24

Moya wangiphakamisa wangimikisa kulabo labebatfunjelwe eBhabhulona ngisembonweni lengangiwunikwe nguMoya waNkulunkulu. Lombono lengangiwubonile wenyuka wesuka kimi,

Hezekeli 3:5

Awutfunyelwa kubantfu labanelulwimi lolungacondzakali nalolulukhuni, kodvwa utfunyelwa kuyo indlu yaka-Israyeli,

Hezekeli 37:1

Sandla saSimakadze sasisetikwami, wangikhiphela ngaphandle ngaMoya waSimakadze, wangimisa ekhatsi nendzawo esigodzini. Lesigodzi sasigcwele ematsambo.

Hezekeli 40:2

Emibonweni yaNkulunkulu wangitsatsa wangiyisa eveni laka-Israyeli, wafike wangimisa entsabeni lephakeme kakhulu, lekwatsi ngaseningizimu kwayo kwakunetindlu letatibukeka shangatsi ngulelikhulu lidolobha.

Hezekeli 44:4

Lendvodza yase ingihola ngendlela yelisango langasenyakatfo ingiyisa embikwelithempeli. Ngatsi ngiyabuka, ngabona inkhatimulo yaSimakadze igcwalisa lithempeli laSimakadze, ngawa ngibhekise buso bami phansi.

Hezekeli 8:3

Welula loko lokwakungatsi kusandla, wangibamba ngesihlutfu. Moya wangiphakamisela emkhatsini wemhlaba nelizulu: Wangitsatsa embonweni waNkulunkulu, wangitsatsa saya eJerusalema, ekungeneni kwelisango langasenyakatfo lesibuya lesisekhatsi nekhatsi, lapho kwakume khona lesithico lesibanga intfukutselo lenkhulu.

Imisebenti yebaPhostoli 8:39

Batsi kube baphume emantini, Moya weNkhosi watsatsa Filiphu, siphatsimandla asizange siphindze simbone, noko sachubeka neluhambo lwaso sesihamba sijabula.