Hezekeli 43:2 - Siswati 1996 Bible

² lapho ngabona khona inkhatimulo yebukhona baNkulunkulu wema-Israyeli ichamuka ngasemphumalanga. Livi lakhe lalifanana nekudvuma kwemabhudlo emanti, live lalicwebetela ngenca yenkhatimulo yakhe.

Hezekeli 43:2 Referencias Cruzadas

Isaya 17:12

Awu, ngekuhlokoma kwetive letinyenti, tihlokoma njengekuhlokoma kwelwandle! Awu, kuhokoma kwemsindvo webetive, tihokoma njengekuhlokoma kwemanti lamanyenti!

Isaya 6:3

Abememetana odvwana, ngulelo nalelo litsi: “Ungcwele, ungcwele, ungcwele, Simakadze longuSomandla! Umhlaba wonkhe ugcwele bukhosi bakhe.”

Hezekeli 1:24

Tatitsi natihamba letidalwa, ngive umsindvo wetimphiko tato unjengekudvuma kwemanti lagijimako, nanjengeliphimbo laSomandla, nanjengemdvumo wemphi. Tatitsi natima, tehlise timphiko tato.

Hezekeli 1:28

Lokukhanya kwakumtungeletile njengemushi wenkosazana ubonakala emafini, ngelilanga lekuna kwemvula. Loku bekukubonakala lokwakubonakalisa bukhosi baSimakadze. Ngatsi kube ngikubone konkhe loku, ngawa ngibhekise buso bami phansi, ngase ngiva livi lalokhulumako.

Hezekeli 10:4

Inkhatimulo yaSimakadze yase iyesuka etikwemakherubhi, yehlela emnyango welithempeli. Lifu lagcwalisa lithempeli, nesibuya sagcwaliswa bukhatikhati benkhatimulo yaSimakadze.

Hezekeli 11:22

Kwabe sekutsi emakherubhi labenemasondvo emihlubulweni yawo, endlala timphiko tawo, inkhatimulo yaSimakadze wema-Israyeli yayisetikwawo.

Hezekeli 11:23

Inkhatimulo yaSimakadze yakhuphukela etulu isuka ngekhatsi kwalelidolobha, yema ngetulu kwentsaba lengasemphumalanga kwalo.

Hezekeli 3:23

Ngako ngasukuma, ngahamba ngaya etsafeni. Inkhatimulo yaSimakadze yayime khona lapho, ifanana nenkhatimulo lengangiyibone ngasemfuleni iKhebari, ngakhotsama ngibhekise buso bami phansi.

Hezekeli 43:4

Inkhatimulo yaSimakadze yangena ethempelini ngelisango lelibheke ngasemphumalanga.

Hezekeli 44:2

Simakadze wakhuluma kimi, watsi: “Lelisango kufanele lihlale livaliwe. Kufanele lingavulwa; akubete namunye longena ngalo. Kufanele lihlale livaliwe, ngobe Simakadze, Nkulunkulu wema-Israyeli, ungene ngalo.

Hezekeli 9:3

Ngaleso sikhatsi inkhatimulo yaNkulunkulu wema-Israyeli yenyuka isuka etikwemakherubhi, lapho yayisolo ikhona, yaya emnyango welithempeli. Simakadze wase ubita lendvodza leyayigcoke telineni, leyayinesipatji sekwekubhala engculwini yayo,

Habakhuki 2:14

Ngobe umhlaba uyawugcwala kwati bukhosi baSimakadze, njengaloku emanti asibekela lwandle.

Habakhuki 3:3

Nkulunkulu uchamuka eThemani, Longcwele wesuka eNtsabeni iPharani. Cabanga. Inkhatimulo yakhe isibekela emazulu, ludvumo lwakhe lugcwalisa umhlaba.

Habakhuki 3:4

Kucwebetela kwakhe kunjengekuphuma kwelilanga; kubaneka imisebe etandleni takhe, lapho kufihlakele khona emandla akhe.

Johane 12:41

Isaya wakusho loko ngobe wabona inkhatimulo yeNkhosi, wase ukhuluma ngayo.

Sembulo 1:15

Tinyawo takhe tatifanana nelitfusi lelilolongwe lacoliswa ngemlilo, livi lakhe lalifanana nekudvuma kwemanti lamanyenti.

Sembulo 14:2

Ngeva livi liphuma ezulwini lelevakala lifanana nemabhudlo emanti, lifanana nekudvuma lokukhulu. Lelivi lalifanana nekuhlabela kwetingitali tishaywa bashayi bato.

Sembulo 18:1

Emvakwaloko ngabona lenye ingilosi lenkhulu yehla iphuma ezulwini, ineligunya lelikhulu. Inkhatimulo yayo yakhanyisa umhlaba wonkhe.

Sembulo 19:1

Emvakwaloko ngeva shangatsi livi lelikhulu lesicumbi lesikhulu sihlabela ezulwini sitsi: “Haleluya! Insindziso, nenkhatimulo, nemandla kwaNkulunkulu wetfu;

Sembulo 19:6

Ngase ngiva lokwakungatsi livi lesicumbi lesikhulu sebantfu, linjengemsindvo wemanti lamanyenti nanjengekudvuma lokukhulu litsi: “Haleluya! INkhosi yetfu, Nkulunkulu Somandla, iyabusa.

Sembulo 21:11

Lalinenkhatimulo yaNkulunkulu. Kukhanya kwalo kwakumengetela njengelitje leliligugu nalelidule kakhulu; lalinjengejasiphi lecwebetelako.

Sembulo 21:23

Lelo khaya alilidzingi lilanga nenyanga, kutsi kulikhanyisele, ngobe inkhatimulo yaNkulunkulu iyalikhanyisela, nesibane salo liWundlu.