Hezekeli 43:1 - Siswati 1996 Bible

¹ Lendvodza yangitsatsa yangimikisa esangweni lelibheke ngasemphumalanga,

Hezekeli 43:1 Referencias Cruzadas

Hezekeli 10:19

Ngatsi ngisabukile, emakherubhi ase avula timphiko tawo, esuka lapha emhlabatsini, atsi asaphakama, nalamasondvo aphakama kanye nawo. Efika ema emnyango welisango langasemphumalanga lelithempeli laSimakadze, nenkhatimulo yaNkulunkulu wesive sema-Israyeli yayisetikwawo.

Hezekeli 40:6

Wase uya ngasendlini yelisango lelibheke ngasemphumalanga. Wakhuphuka titebhisi talo, wase ukala lobubanti bemphundvu yelisango, babungemamitha labengaba matsatfu.

Hezekeli 42:15

Yatsi kube icedze kukala lokungekhatsi ethempelini, yangikhipha ngelisango lelingasemphumalanga, yakala yonkhe leyo ndzawo ngephandle.

Hezekeli 43:4

Inkhatimulo yaSimakadze yangena ethempelini ngelisango lelibheke ngasemphumalanga.

Hezekeli 44:1

Lendvodza yase ingibuyisela emuva esangweni lelingephandle lendzawo lengcwele, lelo lelibheke emphumalanga, lalivaliwe.

Hezekeli 44:2

Simakadze wakhuluma kimi, watsi: “Lelisango kufanele lihlale livaliwe. Kufanele lingavulwa; akubete namunye longena ngalo. Kufanele lihlale livaliwe, ngobe Simakadze, Nkulunkulu wema-Israyeli, ungene ngalo.

Hezekeli 46:1

“ ‘Naku lokushiwo yiNkhosi Simakadze, itsi: Lisango langasemphumalanga lelingenela esibuyeni sangekhatsi kufanele lihlale livaliwe kuwo onkhe lamalanga lasitfupha emsebenti, kodvwa kufanele libovulwa ngeliSabatha nangemikhosi yekwetfwasa kwenyanga.