Hezekeli 41:2 - Siswati 1996 Bible

² Lomnyango wawungemamitha labengaba sihlanu bubanti, kwatsi lolubondza ngala nangale kwaba ngemamitha labengaba mabili nesigamu. Yaphindze yakala lendzawo lengcwele yangephandle; yayingemamitha labengaba ngema-20 budze nemamitha labengaba lishumi bubanti.

Hezekeli 41:2 Referencias Cruzadas

1 Emakhosi 6:17

Likamelo lelikhulu lelalisembikwendzawo lengcwelengcwele walakha laba ngemamitha labengaba li-18 budze.

1 Emakhosi 6:2

Lithempeli Solomoni, inkhosi, lalakhela Simakadze lalingemamitha labengaba ngema-27 budze, nemamitha labengaba yimfica bubanti, nemamitha labengaba li-13 nesigamu kuphakama.

2 Tikhronike 29:7

Baphindze bavala neminyango yemhubhe, bacisha netibane. Abazange bayishise imphepho nome bente umnikelo wekushiswa endzaweni lengcwele kuNkulunkulu wema-Israyeli.

2 Tikhronike 3:3

Sisekelo sekwakha lithempeli laSimakadze lesabekwa nguSolomoni sasingemamitha labengaba ngema-27 budze, nemamitha labengaba yimfica bubanti.

2 Tikhronike 3:7

Solomoni wasebentisa igolide ekwembeseni tibondza talelithempeli, nemishayo, neminyango, netivalo. Kuletibondza lababati bacopha imihlobiso yemakherubhi.

Eksodusi 26:36

“Emnyango walelithende ubenta sivalo sendvwangu ngalokuluhlata njengesibhakabhaka, nangalokubukhwebeletane, nangalokubovu ngalokutopele, usente nangemitiya yelineni leyephotselwe yacolisakala; konkhe loko kube ngumsebenti wengcweti yetekuhlobisa.

Eksodusi 36:37

Umnyango walelithende lekuhlangana bawentela sivalo sendvwangu ngalokuluhlata njengesibhakabhaka, nangalokubukhwebeletane, nangalokubovu ngalokutopele, basenta nangemitiya yelineni leyayephotselwe yacolisakala; konkhe loko kwaba ngumsebenti wengcweti yetekuhlobisa.

Hezekeli 47:1

Lendvodza yangibuyisela ekungeneni kwelithempeli. Kwakunesiyalu semanti lesasicubuka phansi emnyango, emanti aso agelete abheke ngasemphumalanga, lapho kwakubuke khona umnyango welithempeli. Abegeleta ehla esuka ngaseningizimu kwelithempeli endlule ngaseningizimu kwelilati.

Johane 10:7

Ngako Jesu waphindza watsi kubo: “Ngicinisile, ngicinisile, ngitsi kini: Mine ngilisango letimvu.

Johane 10:9

Mine ngilisango, umuntfu nakangena ngami uyawusindziswa; uyawungena, aphume, akhandze lidlelo.