Hezekeli 41:16 - Siswati 1996 Bible

¹⁶ kanye neminyango, nemafasitelo lamancane, nematsala labetungeleta letindzawo letintsatfu, kanye nako konkhe lokunye kanye nelingephandle leminyango kwakwembeswe ngelugodvo. Siyilo nelubondza kuze kuyewufika emafasitelweni, kwakumbonyiwe.

Hezekeli 41:16 Referencias Cruzadas

1 Emakhosi 6:15

Lubondza lwangekhatsi walwakha walwembesa lonkhe ngemapulango emsedari, kusukela phansi esiyilweni kuze kuyewufika etulu eluphahleni kusilingi, siyilo sembeswa ngemapulango esipheshula.

1 Emakhosi 6:4

Wenta timbobo letatinciphe ngephandle tilihele etulu ethempelini.

2 Tikhronike 3:5

Lendlu lenkhulu yayihlotjiswe ngekunanyatsiselwa ngemapulango etipheshula lapha ngekhatsi etibondzeni talo, yase yembeswa ngegolide lecengekile, lapho kwakucoshwe khona imihlobiso yetihlahla temasundvu neyetinketane.

Isaya 6:4

Ngemsindvo wemaphimbo alamaserafi tinsika teminyango kanye netisekelo tayo kwatfutfumela, nelithempeli lagcwala umusi wentfutfu.

Hezekeli 10:18

Inkhatimulo yaSimakadze yase iyesuka kulomnyango welithempeli, yaya yayakuma ngetulu kwalamakherubhi.

Hezekeli 40:16

Bekunemafasitelo lamancane kulolubondza lolungephandle lwalamakamelo abogadzi nakuleti letatisemkhatsini walamakamelo kanye nakulomhubhe yonkhe indzawo. Bekunetihlahla temasundvu letaticoshwe kuletibondza letingekhatsi letatibheke kulomhubhe wangekhatsi.

Hezekeli 40:25

Lendlu yelisango, nemhubhe wayo, kwakunemafasitelo yonkhe indzawo, njengakuleta letinye. Sebubonkhe budze balendlu yelisango babungemamitha labengaba ngema-25, bubanti bayo bungemamitha labengaba li-12 nesigamu.

Hezekeli 40:6

Wase uya ngasendlini yelisango lelibheke ngasemphumalanga. Wakhuphuka titebhisi talo, wase ukala lobubanti bemphundvu yelisango, babungemamitha labengaba matsatfu.

Hezekeli 41:15

Yase ikala budze balendlu leyayibheke ngasebaleni ngemuva kwelithempeli, kanye nematsala ayo ngala nangale kwaba ngemamitha labengaba ngema-50. Lendzawo lengcwele, nendzawo lengcwelengcwele, nemhubhe lobhekene nesibuya,

Hezekeli 41:17

Ngetulu kwemnyango longena endzaweni lengcwele, nasetibondzeni, kuletikhala letifananako, kutungeleta lingekhatsi nelingephandle lendzawo lengcwele,

Hezekeli 42:3

Kuyo yomibili lemihlubulo, umhlubulo lowawungemamitha labengaba lishumi, kanye nalomhlubulo lomalungana nesiyilo sesibuya sangephandle, lendlu yayinelitsala lelibhekene nelitsala etigabeni letintsatfu.

Hagayi 1:4

“Ngabe kambe ngiso yini lesi sikhatsi sekutsi nihlale etindlini letihlotjiswe kahle kakhulu, kube kantsi indlu yaSimakadze yona ibukeka itindzala nje?”

1 kubaseKorinthe 13:12

Ngobe nyalo sibona esibukweni kaluvitsi, kodvwa ngale siyawubukana buso nebuso. Nyalo ngati lokuncane, kepha ngale ngiyawukwati ngalokuphelele, njengobe ngatiwa ngalokuphelele.