Hezekeli 40:5 - Siswati 1996 Bible

⁵ Ngabona lubondza lolutungelete yonkhe lendzawo yelithempeli. Budze balendvuku yekulinganisa leyayisesandleni salendvodza babungemamitha labengaba matsatfu, wakala lolubondza. Lwalungemamitha labengaba matsatfu kuphakama, nemamitha labengaba matsatfu bucinsi balo.

Hezekeli 40:5 Referencias Cruzadas

Tihlabelelo 125:2

Njengobe tintsaba tihace iJerusalema, kanjalo Simakadze uhace sive sakhe, kusukela manje kuze kube phakadze.

Isaya 26:1

Ngalelo langa kuyawuhlatjelelwa ingoma kaJuda, letsi: “Sinelidolobha lelicinile; Nkulunkulu usentela insindziso ngetibondza talo netinqaba talo.”

Isaya 60:18

Akuseyiwuba nekulwa eveni lakho, kuyawubate incitsakalo nembhubhiso emikhawulweni yelive lakho. Kodvwa uyawubita tibondza takho ngekutsi yiNsindziso, nemasango akho ngekutsi Ludvumo.

Hezekeli 41:8

Ngabona kutsi lelithempeli lalinendzawo lephakeme lelitungeletile. Lendzawo lephakeme ngiyo leyayakha sisekelo salamakamelo lasemaceleni. Lesisekelo salamakamelo sasingemamitha labengaba matsatfu kuphakama kwaso.

Hezekeli 42:15

Yatsi kube icedze kukala lokungekhatsi ethempelini, yangikhipha ngelisango lelingasemphumalanga, yakala yonkhe leyo ndzawo ngephandle.

Hezekeli 42:20

Ngako yabe seyikala lendzawo kuyo yonkhe imihlubulo yomine. Yayinelubondza lolwaluyitungeleta, kwakungemamitha labengaba ngema-250 budze, nemamitha labengaba ngema-250 bubanti, lwehlukanisa lokungcwele kulokungengcwele.

Hezekeli 43:13

“Leti-ke tilinganiso telilati, nase usebentisa indvuku yekukala lefanana naleyo yekukala lithempeli: Kutungeleta sonkhe sisekelo selilati bekunemsedlana lewawungemasentimitha labengaba ngema-50 kushona, nemasentimitha labengaba ngema-50 bubanti, bese kutsi lapha emaceleni emngcengcemeni ube ngemasentimitha labengaba ngema-25 kuphakama.

Zakhariya 2:5

Mine matfupha ngiyawuba lubondza lwemlilo loluyitungeleta luyivikele, ngibe yinkhatimulo yayo ngekhatsi kwayo,’ kusho Simakadze.”

Dutheronomi 3:11

Kwase kusele Ogi, inkhosi yaseBhashani, kuphela kuleyo nsali yesive semaRefa. Umbhedze wakhe wawentiwe ngensimbi, budze ungemamitha labengaba mane, bubanti ungemamitha labengaba mabili. Ungatfolakala eRabha, edolobheni lema-Amoni.

Sembulo 21:12

Belinelubondza loludze loluphakeme kakhulu, lunemasango lali-12. Kulamasango bekunetingilosi letili-12. Bekubhalwe kuwo emabito etive letili-12, emadvodzana a-Israyeli.