Hezekeli 40:3 - Siswati 1996 Bible

³ Wangiyisa khona, ngafike ngabona indvodza leyayibukeka njengelitfusi; yayime esangweni inelucotfo lwelineni nendvuku yekulinganisa esandleni sayo.

Hezekeli 40:3 Referencias Cruzadas

Isaya 28:17

Ngitakwenta kwehlulela ngekwemtsetfocotfo kube ngumugca wekulinganisa, nekulunga kube ngumugca wekucondzisa, sangcotfo siyawuhlwitsa lesiphephelo senu lesingemanga, nesikhukhula semanti siyakwemukisa lendzawo yenu yekubhaca.

Isaya 8:20

Buyelani kuwo umtsetfo waNkulunkulu nasebufakazini bakhe! Nabangakhulumi njengekwalelivi, abayiwuba nako kukhanya kwekusa.

Hezekeli 1:27

Ngabona kutsi kusukela kuloko lokwakubonakala shangatsi kulukhalo lwakhe kuya ngenhla kwalo abefanana nelitfusi lelimanyatelako, kube shangatsi ligcwele umlilo, bese kutsi kusuka elukhalweni kuye phansi abefanana nemlilo. Abetungeletwe kukhanya lokumanyatelako.

Hezekeli 1:7

Tatinemilente lecondzile; tinyawo tato tatifanana netelitfole timanyatela njengelitfusi lelilolongiwe.

Hezekeli 41:1

Lendvodza yase ingingenisa endzaweni lengcwele, yakala tibhonga temnyango, bubanti bato babungemamitha labengaba matsatfu ngala nangale.

Hezekeli 42:16

Yakala umhlubulo wangasemphumalanga ngendvuku yekukala; kwaba ngemamitha labengaba ngema-250.

Hezekeli 43:6

Yatsi lendvodza iseme eceleni kwami, ngeva lomunye akhuluma kimi ngekhatsi ethempelini.

Hezekeli 47:3

Ngalendvuku yayo yekukala lendvodza yase ikala emamitha labengaba ngema-500 kwehla nalomfudlana, abheka ngasemphumalanga, yase ingitjela kutsi angiklabhute kulomfula khona lapho. Emanti akhuphuka efika emacakaleni.

Hezekeli 8:2

Ngabuka, ngabona intfo lenesimo semuntfu. Kusukela lapho lokwakungatsi kulukhalo lwakhe kuya phansi kwakunjengemlilo, kusukela elukhalweni lwakhe kuya etulu abebonakala shangatsi umanyatela njengekucwebetela kwelitfusi lelivutsako.

Sembulo 1:15

Tinyawo takhe tatifanana nelitfusi lelilolongwe lacoliswa ngemlilo, livi lakhe lalifanana nekudvuma kwemanti lamanyenti.

Sembulo 11:1

Ngase nginikwa umhlanga lowawufana nendvuku yekulinganisa, ngatjelwa naku: “Sukuma ulinganise lithempeli laNkulunkulu, nelilati, nalabo labakhonta kulo.

Sembulo 21:15

Lengilosi lebeyikhuluma nami beyiphetse indvuku yegolide yekukala lelikhaya, nemasango alo kanye nelubondza lwalo.