Hezekeli 40:16 - Siswati 1996 Bible

¹⁶ Bekunemafasitelo lamancane kulolubondza lolungephandle lwalamakamelo abogadzi nakuleti letatisemkhatsini walamakamelo kanye nakulomhubhe yonkhe indzawo. Bekunetihlahla temasundvu letaticoshwe kuletibondza letingekhatsi letatibheke kulomhubhe wangekhatsi.

Hezekeli 40:16 Referencias Cruzadas

1 Emakhosi 6:29

Kulo lonkhe lolubondza lwelithempeli, emakamelweni langekhatsi nalangephandle wabata emakherubhi, netihlahla temasundvu kanye netimbali letichakazile.

1 Emakhosi 6:32

Kwatsi kuletivalo letibili temncumo wabata umhlobiso wemakherubhi, netihlahla temasundvu kanye netimbali letichakazile, wembesa lamakherubhi naletihlahla temasundvu ngegolide legcotjiwe.

1 Emakhosi 6:35

Etikwato wabata umhlobiso wemakherubhi, netihlahla temasundvu, netimbali letichakazile, wase utembesa ngegolide legcotjiwe ngalokulinganako kulomhlobiso.

1 Emakhosi 6:4

Wenta timbobo letatinciphe ngephandle tilihele etulu ethempelini.

1 Emakhosi 7:4

Emafasitelo ayo bekakhiwe etulu, akhiwe ngamatsatfu abukene.

2 Tikhronike 3:5

Lendlu lenkhulu yayihlotjiswe ngekunanyatsiselwa ngemapulango etipheshula lapha ngekhatsi etibondzeni talo, yase yembeswa ngegolide lecengekile, lapho kwakucoshwe khona imihlobiso yetihlahla temasundvu neyetinketane.

Tihlabelelo 92:12

Lolungile uhluma njengelisundvu, akhule njengemsedari waseLebanoni.

Hezekeli 40:12

Embikwalelo nalelo kamelo labogadzi kwakunelubondza lolufishatane lolwalungaba sigamu selimitha kuphakama, nesigamu selimitha bucinsi balo, lamakamelo abesikwele lesingemamitha labengaba matsatfu.

Hezekeli 40:15

Sebubonkhe budze balendlu yelisango kusukela elubondzeni lolungephandle ngasekungeneni kwalelisango kuya ekugcineni kwalomhubhe wekugcina, babungemamitha labengaba ngema-25.

Hezekeli 40:25

Lendlu yelisango, nemhubhe wayo, kwakunemafasitelo yonkhe indzawo, njengakuleta letinye. Sebubonkhe budze balendlu yelisango babungemamitha labengaba ngema-25, bubanti bayo bungemamitha labengaba li-12 nesigamu.

Hezekeli 40:26

Kwakunetitebhisi letisikhombisa letatikhuphukela kuyo, umhubhe wakhona nawo wawusekugcineni ubuke kulesibuya. Nakhona kwakunetihlahla temasundvu letaticoshwe kuletibondza letatibheke kulomhubhe wangekhatsi.

Hezekeli 40:29

Emakamelo ayo abogadzi, netibondza tayo tangekhatsi kanye nalomhubhe wayo kwakulingana nekwaleti letinye. Lendlu yelisango nalomhubhe wayo kwakunemafasitelo yonkhe indzawo. Yayingemamitha labengaba ngema-25 budze, nemamitha labengaba li-12 nesigamu bubanti.

Hezekeli 40:30

Imihubhe yaletindlu temasango letatitungeleta sibuya sangekhatsi yayingemamitha labengaba li-12 nesigamu budze, nemamitha labengaba mabili nesigamu bubanti.

Hezekeli 40:31

Umhubhe walendlu yelisango langaseningizimu wawukulesibuya sangephandle; tihlahla temasundvu taticoshwe kuletibondza tayo tangekhatsi. Kwakunetitebhisi letisiphohlongo letatikhuphukela ekungeneni kwelisango.

Hezekeli 40:33

Emakamelo ayo abogadzi netibondza tayo tangekhatsi kanye nalomhubhe wayo kwakulingana ncamashi nekwaleti letinye. Lendlu yelisango nalomhubhe wayo kwakunemafasitelo yonkhe indzawo. Sebubonkhe budze bayo babungemamitha labengaba ngema-25, nebubanti bayo babungemamitha labengaba li-12 nesigamu.

Hezekeli 40:34

Lomhubhe wayo wawubheke esibuyeni sangephandle. Kwakucoshwe tihlahla temasundvu kuletibondza tayo tangekhatsi emaceleni omabili. Kwakunetitebhisi letisiphohlongo letatikhuphukela ekungeneni kwelisango.

Hezekeli 40:36

Njengato nayo yayinemakamelo abogadzi, netibondza tangekhatsi, nemhubhe lobukene nesibuya, nemafasitelo yonkhe indzawo. Sebubonkhe budze bayo babungemamitha labengaba ngema-25, nebubanti bayo babungemamitha labengaba li-12 nesigamu.

Hezekeli 40:37

Lomhubhe wayo lomunye wawubheke kulesibuya sangephandle. Kwakucoshwe tihlahla temasundvu kuletibondza tangekhatsi emaceleni omabili. Kwakunetitebhisi letisiphohlongo letatikhuphukela ekungeneni kwelisango.

Hezekeli 40:7

Ngale kwemphundvu yelisango kwakunemhubhe lowawunemakamelo abogadzi lamatsatfu ngala nangala kwawo, likamelo lilinye lalisikwele lesimacala angemamitha labengaba matsatfu lilinye, letibondza letisemkhatsini wawo tatingemamitha labengaba mabili nesigamu bucinsi bato. Ngale kwalamakamelo abogadzi, kwakunalenye imphundvu yelisango leyayingemamitha labengaba matsatfu bubanti leyayingena emhubheni lowawubukene nelithempeli.

Hezekeli 41:18

bekucoshwe umhlobiso wemakherubhi netihlahla temasundvu. Letihlahla tatilandzelana nemakherubhi. Likherubhi lilinye lalinebuso lobubili:

Hezekeli 41:25

Kuletivalo talendzawo lengcwele bekucoshwe emakherubhi netihlahla temasundvu njengaloko lokwakusetibondzeni, bekunesivikelo lesasentiwe ngesigodvo singetulu kwemnyango wemhubhe.

Hezekeli 41:26

Kuletibondza tasemaceleni temhubhe bekunemafasitelo lamancane netihlahla temasundvu letaticoshwe ngala nangale. Lamakamelo lasemaceleni elithempeli nawo abenato leto tivikelo.

Hezekeli 41:3

Yase ingena kulendzawo lengcwele leyayingekhatsi, yakala letibhonga temnyango, sisinye sasingaba limitha bubanti. Lomnyango wawungemamitha labengaba matsatfu bubanti, budze betibondza tangasemaceleni emnyango babungemamitha labengaba matsatfu nesigamu.

Hezekeli 42:3

Kuyo yomibili lemihlubulo, umhlubulo lowawungemamitha labengaba lishumi, kanye nalomhlubulo lomalungana nesiyilo sesibuya sangephandle, lendlu yayinelitsala lelibhekene nelitsala etigabeni letintsatfu.

Johane 5:2

Lapha eJerusalema, eceleni kweliSango Letimvu, bekunelichibi lebekutsiwa ngesiHebheru yiBhethesda, belinemihubhe lesihlanu.

1 kubaseKorinthe 13:12

Ngobe nyalo sibona esibukweni kaluvitsi, kodvwa ngale siyawubukana buso nebuso. Nyalo ngati lokuncane, kepha ngale ngiyawukwati ngalokuphelele, njengobe ngatiwa ngalokuphelele.

Sembulo 7:9

Emvakwaloko ngatsi ngiyabuka ngabona sicumbi lesikhulu sebantfu lesingeke sibalwe ngumuntfu. Kwakubantfu lababephuma etiveni tonkhe, nasemindenini yonkhe, nasemaveni onkhe, nasetilimini tonkhe. Babeme embikwesihlalo sebukhosi nasembikweliWundlu, bembetse tingubo letimhlophe, etandleni baphetse emagala elisundvu.