Hezekeli 4:15 - Siswati 1996 Bible

¹⁵ Wakhuluma watsi: “Kulungile. Ngitakuvumela kutsi usebentise emalongo etinkhomo esikhundleni sewemuntfu ekuphekeni lesinkhwa sakho.”

Hezekeli 4:15 Referencias Cruzadas

2 Emakhosi 18:27

Kodvwa lendvuna lenkhulu yemphi yabaphendvula yatsi: “Kantsi inkhosi yami beyingitfume kini nalenkhosi yenu nodvwa yini kutsi ngitewukhuluma lamagama? Beyingakangitfumi yini nakubo labantfu labalapha etulu elubondzeni, nabo labanjengani, labatawudla emangcoliso abo, baphindze banatse nemichamo yabo?”

Sililo 1:11

Bonkhe bantfu bayo bayabubula ngesikhatsi bafunana kudla bantjintjisa imicebo yabo ngenca yekudla, batsi bentele kutsi batiphilise. “Awu Simakadze, buka unake, ngobe ngibukelwa phansi.”

Hezekeli 4:14

Mine ngaphendvula ngatsi: “Cha, Nkhosi Simakadze! Mine angizange sengitingcolise. Kusukela kwasebusheni bami kuze kube ngunyalo angizange sengiyidle ingcuba nome inyama yesilwane lesibulewe tilwane tesiganga. Akuzange sekungene nyama lengcolile ngekwemtsetfo kulomlomo wami.”

Hezekeli 4:16

Wachubeka watsi kimi: “Ndvodzana yemuntfu, ngitawunciphisa kutfolakala kwekudla lapha eJerusalema. Bantfu bayawudla kudla kwekwemukeliswa bancenekile, banatse nemanti ekwemukeliswa bakhatsatekile,