Hezekeli 4:14 - Siswati 1996 Bible

¹⁴ Mine ngaphendvula ngatsi: “Cha, Nkhosi Simakadze! Mine angizange sengitingcolise. Kusukela kwasebusheni bami kuze kube ngunyalo angizange sengiyidle ingcuba nome inyama yesilwane lesibulewe tilwane tesiganga. Akuzange sekungene nyama lengcolile ngekwemtsetfo kulomlomo wami.”

Hezekeli 4:14 Referencias Cruzadas

Eksodusi 22:30

Ungiphe nematubulo etinkhomo newetimvu takho. Libotsi litubulo lingahlala nenina emalanga lasikhombisa bese ungipha lona ngelilanga lesiphohlongo.

Eksodusi 22:31

“Niyawuba bantfu labehlukaniselwe mine; ngako-ke akukafaneli niyidle inyama yesifuyo lesibulewe tilwane tesiganga, niyawuyilahla, idliwe tinja.”

Isaya 65:4

labahlala emkhatsini wemadliza, bacitse busuku babo emilindzelweni leyimfihlo, badle inyama yetingulube, nemabhodo abo aphatse bubendze benyama lengcolile ngekwemtsetfo,

Isaya 66:17

“Labo labatihlambululako, batingcwelisele kungena etivandzini, balandzela lowo losemkhatsini walabo labadla inyama yetingulube, nemagundvwane kanye naletinye tintfo letinengekako, bayawuphelela lapho kanyekanye,” kusho Simakadze.

Jeremiya 1:6

Mine ngaphendvula ngatsi: “Awu, Nkhosi Simakadze, mine angikwati kukhuluma; ngisengumntfwana.”

Hezekeli 20:49

Ngase ngitsi: “Awu, Nkhosi, Simakadze! Bakhuluma ngami batsi: ‘Utsi akakhulumi tinganekwane nje yena lo?’ ”

Hezekeli 4:15

Wakhuluma watsi: “Kulungile. Ngitakuvumela kutsi usebentise emalongo etinkhomo esikhundleni sewemuntfu ekuphekeni lesinkhwa sakho.”

Hezekeli 44:31

Baphristi kufanele bangadli lutfo, inyoni nome silwane, lokutfolakele kutifele nome kudladlabulwe tilwane tesiganga.’ ”

Hezekeli 9:8

Kwatsi basabulala, sengisele ngedvwa, ngawa phansi ngebuso, ngakhala kakhulu ngatsi: “Awu, Nkhosi, Simakadze! Sewutawubhubhisa yonkhe yini lensali yaka-Israyeli kulokuphuphuma kwelulaka lwakho etikweJerusalema?”

Danyela 1:8

Kodvwa Danyela watincumela enhlitiyweni yakhe kutsi yena angeke atingcolise ngalokudla kwenkhosi kanye nangaleliwayini lakhona; wacela imvume endvuneni lenkhulu kutsi yena angatingcolisi ngalendlela.

Levithikusi 17:15

“ ‘Wonkhe um-Israyeli nome wetive lohlala nani, lodla lokutfolakale kutifele nome kudzatjulwe tilwane tesiganga, kufanele ageze timphahla takhe nemtimba wakhe ngemanti, abe ngulongcolile kuze kuhlwe; utawube sewuyahlambuluka.

Levithikusi 19:7

Nase kudliwa ngelilanga lesitsatfu, sekusinengiso, ngeke kwemukeleke.

Levithikusi 22:8

Kufanele angayidli ingcuba nome lokuklejulwe tilwane tesiganga, ngobe loko kutamngcolisa. NginguSimakadze.

Imisebenti yebaPhostoli 10:14

Kodvwa Phetro watsi: “Ngeke, Nkhosi! Angizange sengiyidle intfo leyatiwa ngekutsi ingcolile.”

Dutheronomi 14:21

“Ningacali nidle lutfo lenilukhandze lutifele. Loko ningakupha umuntfu wetive lohlala kunome ngukuliphi lalamadolobha enu; yena-ke angakudla nome nine nikutsengisele lomunye wetive. Kodvwa nine nisive lesingcwele kuSimakadze Nkulunkulu wenu. “Ningalipheki lizinyane lembuti elubisini lwenina.”

Dutheronomi 14:3

“Ningadli lutfo lolusinengiso.