Hezekeli 39:7 - Siswati 1996 Bible

⁷ “ ‘Libito lami lelingcwele ngiyawulenta latiwe emkhatsini wesive sami, ema-Israyeli. Yebo, Libito lami lelingcwele ngingeke ngisaliyekela lihlanjalatwe, netive tiyawukwati kutsi mine nginguSimakadze, Longcwele ka-Israyeli.

Hezekeli 39:7 Referencias Cruzadas

Tihlabelelo 103:1

Mphefumulo wami, dvumisa Simakadze, nako konkhe lokukimi akudvumise libito lakhe lelingcwele!

Eksodusi 20:7

“Ungaliphatsi ngelite libito laSimakadze Nkulunkulu wakho; ngobe Simakadze uyawumbeka licala lowo lophatsa libito lakhe ngelite.

Isaya 12:6

Memetani kakhulu, nihlabele ngenjabulo, nine bantfu baseSiyoni, ngobe mkhulu lowo Longcwele waka-Israyeli losemkhatsini wenu.”

Isaya 37:23

Ngubani lona lometfukile wamhlambalata? Ngubani lona bewumbhodlela umetfwalela emehlo? NguLongcwele waka-Israyeli!

Isaya 43:14

Naku lokushiwo nguSimakadze, uMhlengi wenu, Longcwele waka-Israyeli, utsi: “Ngenca yenu ngitawutfumela eBhabhulona, ngibabuyise njengemambuka bonkhe baseBhabhulona, ngibabuyise ngemikhumbi lababetigabatisa ngayo.

Isaya 43:3

Ngobe mine nginguSimakadze Nkulunkulu wakho, Longcwele waka-Israyeli, uMsindzisi wakho, ngitawuhlawula ngelive laseGibhithe, ngishintjiselane iKushe neSheba ngawe.

Isaya 45:11

“Naku lokushiwo nguSimakadze, Longcwele waka-Israyeli, neMenti wakhe, utsi: Macondzana netintfo letitako, niyangibuta yini ngebantfwabami, nome ningibekele umtsetfo ngemsebenti wetandla tami?

Isaya 49:26

Bacindzeteli bakho ngiyakubenta badle inyama yemtimba wabo, bayawudzakwa kunatsa ingati yabo kube shangatsi bebanatsa liwayini. Tive tonkhe-ke tiyawube setiyati kutsi mine Simakadze nginguMsindzisi wakho, uMhlengi wakho, longuSomandla waJakobe.”

Isaya 55:5

Impela, nawe uyawubita tive longatati, netive letingakwati tiyawusheshisa tite kuwe, ngenca yaSimakadze Nkulunkulu wakho, Longcwele waka-Israyeli, ngobe yena ukuphe bukhosi.”

Isaya 60:14

Emadvodzana ebacindzeteli bakho ayawuta kuwe akhotsama, bonkhe laba labakwedzelelako bayawukhotsama etinyaweni takho, bayawukubita batsi uLidolobha laSimakadze, Siyoni waLongcwele waka-Israyeli.

Isaya 60:9

Nayi imikhumbi yetichingi icondza kimi, kuhamba embili imikhumbi yaseThashishi, iletse emadvodzana akho laphuma khashane labuya nesiliva negolide yawo, atewudvumisa Simakadze Nkulunkulu wakho, longuLongcwele waka-Israyeli, ngobe ukwetfwese inkhatimulo.

Hezekeli 20:14

Kodvwa ngenca yeLibito lami, ngenta loko lokwakungaligcina lingakonakali emehlweni etive, leto lengangibakhiphe embikwato.

Hezekeli 20:39

“ ‘Macondzana nani, ninendlu yaka-Israyeli, naku lokushiwo yiNkhosi Simakadze, itsi: Hambani niyewukhonta tithico tenu, nonkhe! Kodvwa ngicinisile ngitsi, emvakwaloko niyawulalela mine, ningasaphindzi nilihlambalate Libito lami lelingcwele ngetipho tenu nangetithico tenu.

Hezekeli 20:9

Kodvwa ngenca yeLibito lami, ngenta loko lokwakungaligcina lingakonakali emehlweni etive labebahlala emkhatsini wato, nalengatembula embikwato kuma-Israyeli ngekubakhipha eveni laseGibhithe.

Hezekeli 36:23

Ngitawukhombisa bungcwele beLibito lami lelikhulu, lebeselihlanjalatwe emkhatsini wetive, Libito lenilihlambalate emkhatsini wato. Ngulapho-ke tive tiyawukwati khona kutsi mine nginguSimakadze, nase ngitibonakalisa ngani kutsi mine ngingcwele, embikwemehlo ato, kusho iNkhosi Simakadze.

Hezekeli 36:36

Lapho-ke tive leniyawube nakhelene nato letiyawube tisasele tiyawukwati kutsi mine Simakadze, ngikwakhe kabusha loko lokwase kubhujisiwe, ngabuye ngahlumisa loko lokwase kulihlane. Mine Simakadze sengikhulumile, futsi ngitawukwenta.’

Hezekeli 38:16

Uyawushuca usukele sive sami, ema-Israyeli, njengelifu lelisibekela live. Kulamalanga letako wena, Gogi, ngitakuyisa eveni lami, kuze tive titewungati mine nase ngitibonakalisa bungcwele bami ngawe tibukile.

Hezekeli 38:23

Ngiyawubukhombisa kanjalo-ke bukhulu bami nebungcwele bami, ngiyawutenta kutsi ngatiwe emehlweni etive letinyenti. Ngulapho-ke bayawungati khona kutsi mine nginguSimakadze.’ ”

Hezekeli 39:22

Kusukela ngalelo langa kuye embili indlu yaka-Israyeli iyawungati kutsi mine nginguSimakadze Nkulunkulu wayo.

Hezekeli 39:25

“Ngako-ke naku lokushiwo yiNkhosi Simakadze, itsi: Manje sengitambuyisa Jakobe ekutfunjweni, ngibe nesihawu kubo bonkhe bantfu baka-Israyeli, ngiyawulishisekela Libito lami lelingcwele.

Hezekeli 39:8

Kuyeta! Nome kanjani kutakwenteka! Kusho iNkhosi Simakadze. Leli ngilo lilanga lengakhuluma ngalo.

Levithikusi 18:21

Unganikeli ngemntfwanakho kutsi abe ngumhlatjelo kuMoloki, ngobe kufanele ningalihlambalati libito laNkulunkulu wenu. NginguSimakadze.