Hezekeli 39:4 - Siswati 1996 Bible

⁴ Uyakuwa etintsabeni taka-Israyeli, wena kanye nawo onkhe emabutfo akho netive letikanye nawe. Ngiyawukwenta ube kudla kuto tonkhe tinhlobonhlobo tetinyoni letidla letinye tilwane, nasetilwaneni tesiganga.

Hezekeli 39:4 Referencias Cruzadas

Isaya 14:24

Simakadze longuSomandla ufungile, watsi: “Impela, loku sengikuhlelile, futsi nakanjani kutakwenteka; njengobe sengikuhlosile nje, nakanjani kungeke kugucuke.

Isaya 14:25

Ema-Asiriya ngitakuwapitjita eveni lami, ngiwagcobagcobele etintsabeni tami. Lelijoko lawo belibekwe etikwesive sami litawususwa etikwaso; nalomtfwalo besetfweswe wona utakwetfulwa ususwe etikwaso.

Jeremiya 15:3

Simakadze utsi: “Ngiyawutfumela tinhlobo letine tebabhubhisi labatakulwa nabo: inkemba yekubulala, netinja tekuhudvulela khashane, netinyoni tasemoyeni, netilwane tesiganga tekushwabudzela nekubhubhisa.

Jeremiya 25:33

Ngaleso sikhatsi labo labayawube sebabulewe nguSimakadze bayawugcwala yonkhe indzawo, kusukela ngala kwemhlaba kuye ngale kwawo. Bangeke balilelwe, futsi bangeke babutfwe nome bangcwatjwe, kodvwa bayawufanana netibi letisakateke phansi emhlabatsini.

Hezekeli 29:5

Ngiyawukulahla ehlane wena kanye nato tonkhe tinhlanti temifula yakho. Uyakuwela ebaleni kalashameshame, ungaphindzi ubutfwe nome ugcogcwe. Ngiyawukwenta ube kudla kwetilwane tesiganga nekwetinyoni tasemoyeni.

Hezekeli 33:27

“Khuluma kubo, utsi: ‘Naku lokushiwo yiNkhosi Simakadze, itsi: Ngifunga kuphila kwami, labo labasemadzilikelweni bayawubulawa ngenkemba, labo labasemaphandleni ngiyawubanikela etilwaneni tesiganga kutsi tibashwabudzele, kutsi labo labasetinqabeni nasemigedzeni babulawe sifo lesibulalanako.

Hezekeli 35:8

Tintsaba takho ngiyawutigcwalisa ngalabo labagwaziwe; yebo, labo lababulewe ngenkemba bayakuwa etikwemagcuma akho, nasetihosheni takho, nakuyo yonkhe imifudlana yakho.

Hezekeli 38:21

Ngiyawumbitela inkemba Gogi, imelane naye kuto tonkhe tintsaba tami. Inkemba yalowo nalowo muntfu iyawumelana nemnakabo, kusho iNkhosi Simakadze.

Hezekeli 39:5

Uyawuwela phansi esigangeni kalashameshame, ngobe sengikhulumile, kusho iNkhosi Simakadze.

Nahume 3:3

Bagibeli bemahhashi bayajijimeta, kumanya tinkemba, tikhali bumengemenge. Imphi yatfolana etulu, kwadzindzibala tindvundvuma tetidvumbu letingeke tibalwe nekubalwa; bantfu bagijima etikwato, tiyabagila.