Hezekeli 39:11 - Siswati 1996 Bible

¹¹ “ ‘Ngalelo langa ngiyawuniketa Gogi indzawo yekungcwatjwa ka-Israyeli, esigodzini salabo labahamba besuka emphumalanga babheke ngaselwandle. Lendzawo iyawuvimba indlela yetihambi, ngobe Gogi kanye nalo lonkhe lolucucaba lwakhe bayawungcwatjwa lapho. Ngako-ke seyiyawubitwa ngekutsi sigodzi sakaHamona Gogi.

Hezekeli 39:11 Referencias Cruzadas

Eksodusi 8:14

EmaGibhithe atibutsisa ndzawonye taba tincumbi letinkhulu. Lonkhe live lanuka luboti.

Hezekeli 38:2

“Ndvodzana yemuntfu, bhekisa buso bakho ngakuGogi waseveni lakaMagogi, indvuna lenkhulu yesive sakaMesheki nakaThubali. Phrofetha kuye,

Hezekeli 39:10

Abasayiwudzinga kutsi bayewutfota tinkhuni etigangeni, nome batikabhe emahlatsini, ngobe bayawusebentisa letikhali ekubaseni umlilo. Bayawuphanga labo labebaphangile, babemuke timphahla labo lababebemuke timphahla tabo, kusho iNkhosi Simakadze.’ ”

Hezekeli 39:12

“ ‘Kuyawudzimate kuphele tinyanga letisikhombisa solomane indlu yaka-Israyeli ibangcwaba, kuze kuhlanteke lelive.

Hezekeli 39:15

Kuyawutsi ekuhambeni kwabo eveni lonkhe, ngulowo atsi nakakhandza litsambo lemuntfu afinye lifindvo eceleni kwalo, kuze kufike laba labangcwabako, balitsatse bayelingcwaba esigodzini sakaHamona Gogi.

Hezekeli 47:18

“Ngasemphumalanga umnyele uyawudzabula emkhatsini weHawurani neDamaseko, ugudle iJordani, emkhatsini weGileyadi nelive laka-Israyeli, ucondze elwandle lwasemphumalanga, uze uyewufika eThamari. Lowo-ke kuyawuba ngumnyele wangasemphumalanga.

Numeri 11:34

Ngako-ke libito laleyo ndzawo kwabe sekutsiwa yiKhibrothi Hathava, ngobe lapho ngulapho bangcwaba bantfu lababehahela kudla.

Numeri 34:11

Umnyele utawucondza eningizimu, kusukela eShefamu kuya eRibla ngasemphumalanga ye-Ayini, uchubeke ugudle emacele ngasemphumalanga yeLwandle iKhinerethi.

Lukha 5:1

Jesu bekeme elusentseni lwelwandle lwaseGenesaretha ngesikhatsi bantfu beta banyatselana batewuva livi laNkulunkulu.

Johane 6:1

Emvakwaloko Jesu wahamba waya ngesheya kweLwandle lwaseGalile lolulwaseThibheriyase.