Hezekeli 38:8 - Siswati 1996 Bible

⁸ Emvakwemalanga lamanyenti utawubitelwa embutfweni. Kuleminyaka letako utawuhlasela live leselibuyiswe emphini, lelibantfu balo babutfwa etiveni letinyenti, bayiswa etintsabeni taka-Israyeli letase tikhala libhungane kadzenidzeni. Bakhishwe etiveni ngetive, kodvwa nyalo bonkhe sebahlala bavikelekile.

Hezekeli 38:8 Referencias Cruzadas

Genesisi 49:1

Jakobe wabita onkhe emadvodzana akhe wakhuluma nawo, watsi: “Buyani la kimi nonkhe, ngitenitjela lokutanehlela ngemuso.

Eksodusi 20:5

Ungasikhotsameli nome usikhonte, ngobe mine Simakadze, Nkulunkulu wakho, nginguNkulunkulu lonesikhwele. Labo labangitondzako sijeziso sami ngesono saboyise ngisehlisela ngisho nakubantfwana babo besitukulwane sesitsatfu nesesine.

Isaya 24:22

Bayawubutselwa ndzawonye njengetiboshwa letiboshelwe ekhulukuthu, bayawuvalelwa ejele, bajeziswe emvakwemalanga lamanyenti.

Isaya 29:6

Simakadze longuSomandla uyakuta ngekudvuma nangekutamatama kwemhlaba, nangemsindvo lomkhulu, nangesikhukhula semoya nesihhushuhhushu, nangemalangabi emlilo lodlako.

Isaya 8:9

Hlabani inyandzaleyo, nine tive, nitfutfumele! Lalelani, nine nonkhe mave lakhashane. Tilungiseleleni kulwa imphi, nesabe! Tilungiseleleni kulwa imphi, nehlulwe!

Jeremiya 23:6

Ngalawo malanga ayo Juda uyawusindziswa, na-Israyeli uyawuhlala aphephile. Leli libito lakhe layawubitwa ngalo, kutsiwe: Simakadze Kulunga Kwetfu.”

Jeremiya 30:18

“Naku lokushiwo nguSimakadze, utsi: “ ‘Ngiyawubuyisela inhlanhla emathendeni akaJakobe, ngibe neluvelo emakhaya akhe; lidolobha liyakwakhiwa kabusha etindzaleni talo, nesigodlo siyawuma kabusha endzaweni yaso lefanele.

Jeremiya 30:3

Simakadze utsi: ‘Ayeta emalanga, lapho ngiyawulandza khona sive sami saka-Israyeli nesakaJuda ekutfunjweni ngibabuyisele eveni lengalipha boyisemkhulu kutsi libe ngelabo,’ kusho Simakadze.”

Jeremiya 32:37

Ngempela ngiyakubabutsa kuwo onkhe emave, lapho ngangibasakatela khona ngekutfukutsela kwami lokukhulu nangelulaka lwami lolwesabekako. Ngiyawubabuyisela kuyo lendzawo, ngibente bahlale kuyo bavikelekile.

Jeremiya 32:5

Iyawutsatsa Sedekiya imyise eBhabhulona, lapho ayawuhlala khona ngize ngimcondzise, kusho Simakadze. Nanilwa nemaBhabhulona ngeke niphumelele.’ ”

Jeremiya 33:16

Kulawo malanga Juda uyawusindziswa, neJerusalema ihlale iphephile. Lelo-ke libito lalo leliyawubitwa ngalo: Simakadze Kulunga Kwetfu.’

Jeremiya 48:47

“Noko ngiyawubuyisela tibusiso takaMowabi ngemalanga letako,” kusho Simakadze. Kuphelela lapha-ke kwehlulelwa kwaMowabi.

Jeremiya 49:39

“Noko, ngiyawuphindze ngitibuyisele tibusiso tase-Elamu, ngemalanga letako,” kusho Simakadze.

Sililo 4:22

Awu, Ndvodzakati yaseSiyoni, kujeziswa kwakho kutawuphela; Simakadze angeke aselule sikhatsi sekudzingiswa kwakho. Kodvwa, awu, wena Ndvodzakati yase-Edomu, uyawujeziswa ngenca yesono sakho, abubeke ebaleni bubi bakho.

Hezekeli 28:26

Siyawuhlala lapho siphephile, sakhe tindlu, sihlanyele emasimi emagelebisi; sona siyawuhlala siphephile, nase ngehlisela sijeziso kubo bonkhe bomakhelwane baso labasidlela umona. Ngulapho-ke bayawukwati khona kutsi mine nginguSimakadze Nkulunkulu wabo.’ ”

Hezekeli 34:13

Ngiyawutikhipha emkhatsini wetive, ngitibutse emaveni, bese ngitibuyisela eveni lato. Ngiyakutelusela etintsabeni taka-Israyeli, ngasemifuleni, nasetindzaweni tonkhe letakhiwe eveni.

Hezekeli 38:14

“Ngako-ke, ndvodzana yemuntfu, phrofetha utsi kuGogi: ‘Naku lokushiwo yiNkhosi Simakadze, itsi: Ngalelo langa, mzukwana sive sami, ema-Israyeli, sesihlala sivikelekile, awuyiwukubona yini?

Hezekeli 38:16

Uyawushuca usukele sive sami, ema-Israyeli, njengelifu lelisibekela live. Kulamalanga letako wena, Gogi, ngitakuyisa eveni lami, kuze tive titewungati mine nase ngitibonakalisa bungcwele bami ngawe tibukile.

Hezekeli 39:26

Bayakulikhohlwa lihlazo labo nako konkhe kungetsembeki kwabo labakwenta kimi, ngesikhatsi basahleti eveni labo bavikelekile, kute namunye labengabesabisa.

Habakhuki 2:3

Ngobe lesembulo silindzele sikhatsi lesimisiwe; sikhuluma ngesiphetfo lesiphutfumako, futsi ngeke sibonakale singemanga. Nome sephutisa nje, silindzele, sona sitawufika nome kanjani, futsi ngeke sephute.

Numeri 24:14

“Sengiyancandzeka ngibuyela eveni lakitsi, kodvwa kota lapha ngikutjele kutsi yini letakwentiwa ngulesive kulesive sakho kulamalanga letako.”

Dutheronomi 4:30

Naniselusizini senehlelwe ngito tonkhe letintfo, kuyawutsi emvakwaloko nibuyele kuSimakadze Nkulunkulu wenu, nimlalele.

1 yaPhetro 2:9

Kodvwa nine nibeluhlanga lolukhetsiwe, nibaphristi bebukhosi, sive lesingcwele; nibantfu baNkulunkulu labakhetselwe kumemetela imisebenti lemihle yaNkulunkulu. Nguye lowanibita kutsi niphume ebumnyameni nitewungena ekukhanyeni kwakhe lokumangalisako.