Hezekeli 36:4 - Siswati 1996 Bible

⁴ ngako-ke vanini livi leNkhosi Simakadze, nine tintsaba taka-Israyeli: Naku lokushiwo yiNkhosi Simakadze, kuto tintsaba nemagcuma, nasemifudlaneni, nasetihosheni, nakuto tindzawo letidzilitiwe, nakumadolobha lasala akhala libhungane, laphangwa laphukutwa ngito tonkhe tive letisele letinitungeletile.

Hezekeli 36:4 Referencias Cruzadas

Tihlabelelo 79:4

Sesijike saba yinhlekisa kubomakhelwane betfu, bayasihaya bahlekisa ngatsi kulabakhelene natsi.

Isaya 6:11

Ngase ngitsi: “Awu! Simakadze, kutawuze kube ngunini?” Wangiphendvula watsi: “Kuyawuze kubhujiswe emadolobha, kubete bantfu labahlala kuwo; tindlu tize tibe tindzala, nemasimi abhujiswe aze onakale,

Jeremiya 29:10

“Naku lokushiwo nguSimakadze, utsi: ‘Naseyiphelile iminyaka lengema-70 yeBhabhulona, ngitawufika kini ngitewugcwalisa setsembiso sami semusa kutsi nginibuyise kulendzawo.

Hezekeli 34:28

Bangeke baphiindze baphangwe tive, netilwane tesiganga futsi tingeke tiphindze tibashwabudzele. Bayawuhlala baphephile, kute futsi loyawubesabisa.

Hezekeli 34:8

Ngifunga kuphila kwami, kusho iNkhosi Simakadze, njengobe umhlambi wami weswele umelusi, waze waphangwa wagucuka waba kudla kwato tonkhe tilwane tesiganga, nanjengobe belusi bami bangazange bawufune umhlambi wami, kodvwa batinakekela bona kakhulu kunekunakekela umhlambi wami,

Hezekeli 36:1

“Ndvodzana yemuntfu, phrofetha kuto tintsaba taka-Israyeli, utsi: ‘Awu nine, tintsaba taka-Israyeli, vanini livi laSimakadze.

Hezekeli 36:6

“Ngako-ke phrofetha macondzana nelive laka-Israyeli, ukhulume kuto tintsaba nemagcuma, nasemifudlaneni netihosha, utsi: ‘Naku lokushiwo yiNkhosi Simakadze, itsi: Ngikhuluma ngelulaka lwami nangesikhwele sami, ngobe senive buhlungu bekwedzelelwa tive.

Hezekeli 6:14

Ngiyakwelula sandla sami etikwabo, ngente lelive labo lisale likhala libhungane, kusukela ehlane kuze kuyewufika eDibla, kuyo yonkhe indzawo lapho bahlala khona. Ngulapho-ke bayawukwati khona kutsi mine nginguSimakadze.’ ”

Hezekeli 6:3

‘Awu, tintsaba taka-Israyeli, lalelani livi leNkhosi Simakadze. Naku lokushiwo yiNkhosi Simakadze kini, nine tintsaba nemagcuma, nani mifudlana netihosha, itsi: Sekusedvutane kutsi ngehlisele inkemba etikwenu, futsi ngitatibhubhisa letindzawo tenu letiphakeme tekukhontela tithico.

Dutheronomi 11:11

Kodvwa lelive leningena kulo kuyawulidla live letintsaba netihosha temifula, yebo, live lelinemvula.