Hezekeli 36:2 - Siswati 1996 Bible

² Naku lokushiwo yiNkhosi Simakadze, itsi: Sitsa sakhuluma ngani, satsi: “Hha! Ticongo takadzeni setilifa letfu.” ’

Hezekeli 36:2 Referencias Cruzadas

Tihlabelelo 78:69

Wayakha indlu yakhe lengcwele, leyayiphakeme kakhulu njengemhlaba lawusekela, kuze kube phakadze naphakadze.

Tihlabelelo 83:13

Awu, Nkulunkulu wami! Bente babe njengesiwunguwungwana, nanjengemakhoba wona apheshulwa ngumoya.

Isaya 58:14

ngulapho uyawutfola khona-ke kujabula kwakho kuSimakadze, ngiyawukwenta ukhuphukele eticongweni telive, ube nenala udle nelifa leyihlomkhulu Jakobe.” Umlomo waSimakadze sewukhulumile.

Jeremiya 49:1

Macondzana nema-Amoni: Naku lokushiwo nguSimakadze, utsi: “Israyeli akanamadvodzana yini? Ute yini tindlalifa? Kepha kwentiwa yini kutsi Moloki atsatse Gadi amente wakhe? Kwentiwa yini kutsi bantfu bakhe bahlale emadolobheni akhe?”

Hezekeli 25:3

Khuluma kuwo utsi: ‘Vanini livi leNkhosi Simakadze. Naku lokushiwo yiNkhosi Simakadze, itsi: Ngobe nakhuluma natsi: “Hha” kuyo indzawo yami lengcwele ngesikhatsi ingcoliswa, nakulo live laka-Israyeli nalicitfwa, nakubo bantfu bakaJuda nabatfunjwa,

Hezekeli 26:2

“Ndvodzana yemuntfu, njengobe iThire seyikhulume ngeJerusalema, yatsi: ‘Hha! Lisango lebetive selephukile, netivalo talo setigedvukele kimi, njengaloku seyibhidlikile iJerusalema, mine Thire sengitawuphumelela.’

Hezekeli 35:10

“ ‘Njengobe ukhulume watsi: “Letive letimbili nalamave lamabili kutawuba kwetfu, futsi siyawukutsatsa kube kwetfu,” lite nome mine Simakadze bengikhona lapho,

Hezekeli 35:12

Ngulapho-ke uyawukwati khona kutsi mine Simakadze ngitivile tonkhe letintfo tekwedzelela letimbi lotikhulume ngetintsaba taka-Israyeli. Watsi: “Tentiwe taba lihlane, taniketwa tsine kutsi sitishwabudzele.”

Hezekeli 36:1

“Ndvodzana yemuntfu, phrofetha kuto tintsaba taka-Israyeli, utsi: ‘Awu nine, tintsaba taka-Israyeli, vanini livi laSimakadze.

Hezekeli 36:5

“ ‘Naku lokushiwo yiNkhosi Simakadze, itsi: Ngentfukutselo yami levutsako ngikhulume ngemelana nato tonkhe tive letisele, kanye nalo lonkhe laka-Edomu, ngobe batsatsa live lami balenta labo ngekujabula, nangenhlitiyo lembi, bentela kuphanga emadlelo alo.’

Obadiya 1:13

Bewungakafaneli kungena emasangweni ebantfu bami ngesikhatsi behlelwa sigemegeme. Bewungakafaneli kubabukela phansi bantfu bami ngelilanga lekuhlupheka kwabo. Bewungakafaneli kuwuphanga umcebo webantfu bami.

Habakhuki 3:19

Simakadze loyiNkhosi ungemandla ami; wenta tinyawo tami tibe njengetenyamatane, ungenta ngihambe ngiphephile etindzaweni letiphakeme. Lemhlabelisi wetemiculo. Elugujini lwami lolunetintsambo.

Dutheronomi 32:13

“Wamgibelisa eticongweni etindze temhlaba, wamondla ngetitselo tesiganga. Wamkhuluphalisa ngeluju lwemadvwala nangemafutsa asemifantfwini, ematjeni emlilo.