Hezekeli 36:1 - Siswati 1996 Bible

¹ “Ndvodzana yemuntfu, phrofetha kuto tintsaba taka-Israyeli, utsi: ‘Awu nine, tintsaba taka-Israyeli, vanini livi laSimakadze.

Hezekeli 36:1 Referencias Cruzadas

Jeremiya 22:29

Awu live, live, live, vani livi laSimakadze!

Hezekeli 20:47

Khuluma kulo lihlatsi langaseningizimu, utsi: ‘Vani livi laSimakadze. Naku lokushiwo yiNkhosi Simakadze, itsi: Sekusedvute kutsi ngikulumeke ngemlilo, futsi utawushwabudzela tonkhe tihlahla takho, tonkhe letiluhlata naletomile. Lelilangabi lelilavukako lemlilo lingeke licishwe ngumuntfu, nabo bonkhe buso kusuka ngaseningizimu kuya enyakatfo buyawubhadliswa ngilo.

Hezekeli 33:28

Live ngiyawulenta libe lihlane lelingenalutfo, nemandla abo labebatigcabha ngawo ayakuphela atsi nya, tintsaba taka-Israyeli tiyakuba sikhotsa, kangangekutsi kubete nalowengca kuto.

Hezekeli 34:14

Ngiyawutelusela edlelweni lelihle, netintsaba letiphakeme taka-Israyeli tiyawuba ngemadlelo ato. Lapho-ke tiyawulala phansi edlelweni lelihle, ngulapho tiyawuklaba khona edlelweni lelineluhlata, etintsabeni taka-Israyeli.

Hezekeli 35:15

Njengobe wajabula ngesikhatsi lifa lendlu yaka-Israyeli liba lihlane, nami-ke ngiyawukuphatsa kanjalo. Uyawuba lihlane, wena live letintsaba taseSeyiri, yebo, wena nalo lonkhe laka-Edomu. Ngulapho-ke bayawukwati khona kutsi mine nginguSimakadze.’ ”

Hezekeli 36:2

Naku lokushiwo yiNkhosi Simakadze, itsi: Sitsa sakhuluma ngani, satsi: “Hha! Ticongo takadzeni setilifa letfu.” ’

Hezekeli 36:4

ngako-ke vanini livi leNkhosi Simakadze, nine tintsaba taka-Israyeli: Naku lokushiwo yiNkhosi Simakadze, kuto tintsaba nemagcuma, nasemifudlaneni, nasetihosheni, nakuto tindzawo letidzilitiwe, nakumadolobha lasala akhala libhungane, laphangwa laphukutwa ngito tonkhe tive letisele letinitungeletile.

Hezekeli 36:8

“ ‘Kodvwa nine, tintsaba taka-Israyeli, niyawuhluma emagala, nitselele sive sami ema-Israyeli titselo tenu, ngobe siyawubuya ekhaya masinyane.

Hezekeli 37:22

Ngiyawubenta babe sive sinye kulelo live, etintsabeni taka-Israyeli. Kuyawuba nenkhosi yinye leyawubabusa bonkhe, futsi abasayiwuphindze babe tive letimbili letehlukene nome behlukane babe ngimibuso lemibili.

Hezekeli 37:4

Wase utsi kimi: “Phrofetha kulamatsambo, utsi kuwo: ‘Nine matsambo lomile, vanini livi laSimakadze!

Hezekeli 38:8

Emvakwemalanga lamanyenti utawubitelwa embutfweni. Kuleminyaka letako utawuhlasela live leselibuyiswe emphini, lelibantfu balo babutfwa etiveni letinyenti, bayiswa etintsabeni taka-Israyeli letase tikhala libhungane kadzenidzeni. Bakhishwe etiveni ngetive, kodvwa nyalo bonkhe sebahlala bavikelekile.

Joweli 3:2

ngiyawubutsa tonkhe tive ngitehlisele eSigodzini sakaJehoshafati. Lapho-ke ngulapho ngiyawutehlulela khona ngenca yelifa lami, sive sami saka-Israyeli, ngobe tasakata sive sami, tasifaka kuto tonkhe tive, talidzabudzabula live lami.