Hezekeli 34:8 - Siswati 1996 Bible

⁸ Ngifunga kuphila kwami, kusho iNkhosi Simakadze, njengobe umhlambi wami weswele umelusi, waze waphangwa wagucuka waba kudla kwato tonkhe tilwane tesiganga, nanjengobe belusi bami bangazange bawufune umhlambi wami, kodvwa batinakekela bona kakhulu kunekunakekela umhlambi wami,

Hezekeli 34:8 Referencias Cruzadas

Hezekeli 34:10

Naku lokushiwo yiNkhosi Simakadze, itsi: Ngimelene nalabelusi, futsi ngiyawubabeka licala ngalomhlambi wami. Ngiyawubesusa ekweluseni lomhlambi, khona labelusi bangetiwuchubeka nekutondla bona. Ngiyawutephula timvu tami emilonyeni yabo, futsi tingeke tiphindze tibe kudla kwabo.’ ”

Hezekeli 34:18

Akukeneli yini kini kutsi niklabe edlelweni lelihle? Futsi kufanele yini kutsi nigcobagcobe lencenye yelidlelo ngetinyawo tenu? Akukeneli yini kini kunatsa lamanti lahlobile? Kufanele yini kutsi niwadvunge ngetinyawo tenu lamanti?

Hezekeli 34:31

“ ‘Nine, timvu tami, timvu telidlelo lami, nisive sami, mine nginguNkulunkulu wenu, kusho iNkhosi Simakadze.’ ”

Hezekeli 34:7

“ ‘Ngako-ke, nine belusi, vanini livi laSimakadze, lelitsi:

Hezekeli 34:9

ngako-ke, awu, belusi, vanini livi laSimakadze, lelitsi:

Hezekeli 36:4

ngako-ke vanini livi leNkhosi Simakadze, nine tintsaba taka-Israyeli: Naku lokushiwo yiNkhosi Simakadze, kuto tintsaba nemagcuma, nasemifudlaneni, nasetihosheni, nakuto tindzawo letidzilitiwe, nakumadolobha lasala akhala libhungane, laphangwa laphukutwa ngito tonkhe tive letisele letinitungeletile.

Zakhariya 10:2

Tithico tikhuluma lokuyinkhohliso, labaphengulako babona imibono yemanga, bakhuluma emaphupho langesilo liciniso. Badvudvutana mahhala nje ngelite. Ngako-ke bantfu bazulazula njengetimvu, bacindzetelekile ngekweswela umelusi.

Imisebenti yebaPhostoli 20:29

Ngiyati kutsi emvakwekuhamba kwami timphisi letesabekako tiyawufika emkhatsini wenu tihlasele tilimate umhlambi wetimvu.

Imisebenti yebaPhostoli 20:33

“Angizange ngifise isiliva negolide nome imphahla yemuntfu.

1 kubaseKorinthe 9:15

Kepha mine angiwasebentisanga lawo malungelo, futsi loko angikubhaleli kutsi kwentiwe kimi. Ngobe kimi kungaba ncono kutsi ngife kunekutsi ngemukeke ludvumo lwami lengilufanele.

2 yaPhetro 2:13

Bayakwemukeliswa buhlungu, ngobe nabo bevisa buhlungu. Kujabula kwabo kumita nekutamasa, ngisho nasemini imbala. Yebo, balihlazo nendlisamahloni nase bahlanganyela nani edzilini ngaso sonkhe sikhatsi, batijabulisa ngetinkhanuko tabo.

YaJuda 1:12

Bayanonela ekudleni kwenu kwebudlelwane bate emahloni ngekumita kwabo. Babogubhela kwesabo. Banjengemafu lapheshulwa ngumoya, abe wona ate imvula. Batihlahla letingatseli titselo, ngisho nangetikhatsi tato, tihlahla letisishulwe netimphandze tato, yebo, batihlahla lese tafa.