Hezekeli 34:5 - Siswati 1996 Bible

⁵ Ngako timvu tavele tasakateka, ngobe bekute umelusi, tatsi kube tisakateke, tagucuka taba kudla kwato tonkhe tilwane tesiganga.

Hezekeli 34:5 Referencias Cruzadas

1 Emakhosi 22:17

Mikhaya wase uyaphendvula, watsi: “Ngibone onkhe ema-Israyeli ahlakatekile etintsabeni njengetimvu letite umelusi; Simakadze watsi: ‘Labantfu abanamelusi. Nguloyo akatibuyelele ekhaya lakhe ngekuthula.’ ”

2 Tikhronike 18:16

Mikhaya wase uyaphendvula, watsi: “Ngibone onkhe ema-Israyeli ahlakatekile etintsabeni njengetimvu letite umelusi; Simakadze watsi: ‘Labantfu abanamelusi. Nguloyo akatibuyelele ekhaya lakhe ngekuthula.’ ”

Isaya 56:9

Wotani, nonkhe nine tilwane tesiganga, wotani nitewudla, nonkhe nine tilwane telihlatsi!

Jeremiya 10:21

Belusi abanangcondvo, abambuti naSimakadze; ngako abaphumeleli, nayo yonkhe imihlambi yabo isakatekile.

Jeremiya 23:2

Ngako-ke naku lokushiwo nguSimakadze, longuNkulunkulu wema-Israyeli, kubelusi labelusa bantfu bami, utsi: “Njengobe senisakate lomhlambi wami nawuyisa le khashane, nangete nawunakekela, ngitanehlisela sijeziso, ngaloko lokubi lenikwentile,” kusho Simakadze.

Jeremiya 50:17

“Israyeli unjengemhlambi wetimvu letisakatekile ticoshwe ngemabhubesi. Lekucala lelamudla kwaba yinkhosi yase-Asiriya; lekugcina lelabhoba ematsambo akhe, kwaba nguNebukhadnezari, inkhosi yaseBhabhulona.”

Hezekeli 33:21

Ngemnyaka weli-12 wekutfunjwa kwetfu, enyangeni yelishumi, ngelilanga lesihlanu, indvodza leyayibaleke eJerusalema yeta kimi, yefika yatsi: “Lidolobha seliwile!”

Hezekeli 33:28

Live ngiyawulenta libe lihlane lelingenalutfo, nemandla abo labebatigcabha ngawo ayakuphela atsi nya, tintsaba taka-Israyeli tiyakuba sikhotsa, kangangekutsi kubete nalowengca kuto.

Hezekeli 34:28

Bangeke baphiindze baphangwe tive, netilwane tesiganga futsi tingeke tiphindze tibashwabudzele. Bayawuhlala baphephile, kute futsi loyawubesabisa.

Hezekeli 34:6

Timvu tami tazulazula kuto tonkhe tintsaba nakuwo onkhe emagcuma laphakeme. Tasakateka kuwo wonkhe umhlaba, kwabate lotifunako nalotelusako.

Hezekeli 34:8

Ngifunga kuphila kwami, kusho iNkhosi Simakadze, njengobe umhlambi wami weswele umelusi, waze waphangwa wagucuka waba kudla kwato tonkhe tilwane tesiganga, nanjengobe belusi bami bangazange bawufune umhlambi wami, kodvwa batinakekela bona kakhulu kunekunakekela umhlambi wami,

Zakhariya 13:7

“Awu nkemba, vuka umelane nemelusi wami, umelane nemuntfu longumngani wami,” kusho Simakadze longuSomandla. “Shaya umelusi umbulale, timvu tiyawuhlakateka. Ngiyawugucula sandla sami etikwaletincane, ngimelane nato.”

Numeri 27:17

iphume ingene embikwaso, isihole ngekusikhipha nekusingenisa, kuze sive saSimakadze singafani netimvu letingenamelusi.”

Matewu 9:36

Nabona ticumbi tebantfu, inhlitiyo yakhe yagcwala sihawu, ngobe bebakhatsatekile bahlakatekile, banjengetimvu letite umelusi.

Makho 6:34

Watsi uyehla nje Jesu esikebheni wabona lesikhulu sicumbi sebantfu, wabahawukela ngobe bebanjengetimvu letite umelusi. Wabafundzisa ngetintfo letinyenti.

Johane 10:2

Kepha longena ngelisango ungumelusi wetimvu.