Hezekeli 33:7 - Siswati 1996 Bible

⁷ “Ndvodzana yemuntfu, sengikubeke kutsi ube ngumlindzi wendlu yaka-Israyeli; ngako-ke vani livi lengilikhuluma kuwe, ubanike secwayiso lesiphuma kimi.

Hezekeli 33:7 Referencias Cruzadas

1 Emakhosi 22:14

Kodvwa Mikhaya waphendvula watsi: “Ngifunga kuphila kwaSimakadze, ngitamtjela loko lengikutjelwa nguSimakadze kuphela.”

2 Tikhronike 19:10

Kulelo nalelo cala leliletfwe kini liphuma kusakhamuti salamadolobha, nome ngabe lekucitsa ingati nome ngabe lekwephula umtsetfo, nemiyalo kanye netimiso, kufanele nibeluleke kutsi bangoni kuSimakadze; ngaphandle kwaloko intfukutselo yaSimakadze itakwehlela kini nakubomnakenu. Nibokwenta loko, khona ningetikona.

Ingoma Yetingoma 3:3

Balindzi basebusuku bangitfola ngesikhatsi bajikeleta ekhatsi edolobheni. Ngatsi kubo: “Nimbonile yini lotsandvwa yinhlitiyo yami?”

Ingoma Yetingoma 5:7

Balindzi basebusuku bangitfola ngesikhatsi bajikeleta ekhatsi edolobheni. Bangidzindza ngendvuku, bangilimata; bangemuka lijazi lami, labo balindzi betibondza!

Isaya 21:11

Leli livi lesembulo lelimacondzana neDuma lelitsi: Kukhona longimemetako kaSeyiri, utsi: “Mlindzi, sekusele kangakanani kutsi kuse? Mlindzi, sekusele kangakanani kutsi kuse?”

Isaya 62:6

Ngibeke balindzi etibondzeni takho, Jerusalema, bangeke bathule imini nebusuku. Nine lenibita Simakadze, ningatiniki kuphumula,

Jeremiya 1:17

“Tilungiselele! Sukuma ukhulume kubo konkhe loko lengikutfume kona. Ungabesabi, ngobe ngingahle ngikwetfuse lapha embikwabo.

Jeremiya 23:28

Umphrofethi loneliphupho akakhulume liphupho lakhe, kodvwa lowo lonelivi lami akakhulume lona ngekwetsembeka. Ngobe empeleni emakhoba ayini nje kukolo?” kusho Simakadze.

Jeremiya 26:2

“Naku lokushiwo nguSimakadze, utsi: Mani esibuyeni selithempeli laSimakadze, ukhulume kubo bonkhe bantfu basemadolobheni akaJuda labayaye bete batewukhontela lapha ethempelini laSimakadze. Batjele konkhe lengikutfume kona, ungashiyi nalinye livi.

Jeremiya 31:6

Kuyawuba khona lilanga lapho balindzi bayawumemeta emagcumeni aka-Efrayimu, batsi: ‘Wotani, sikhuphukele eSiyoni kuSimakadze longuNkulunkulu wetfu.’ ”

Jeremiya 6:27

“Ngikwente waba ngumhloli wetinsimbi, nebantfu bami bayinsimbi, khona utewucaphela utivivinye tindlela tabo.

Mikha 7:4

Ngisho labancono babo nalabetsembeke kakhulu kunabo bonkhe abanamsebenti, bafana nelukhula. Selifikile lilanga lapho Nkulunkulu ayakujezisa bantfu, njengobe vele abebacwayisile ngebalindzi bakhe lababaphrofethi. Kwamanje sebadzidzekile.

Habakhuki 2:1

Ngitawuma embonisweni yami ngibuke, ngitimise kahle etingosini tami, ngitawubukisisa kahle ngitewubona kutsi Nkulunkulu utawutsini kimi, nekutsi ngitawuphendvula ngitsini ngalokukhonona.

Imisebenti yebaPhostoli 20:20

Niyati nekutsi kute lenganigodlela kona kunitjela nekunifundzisa embikwebantfu nasemakhaya enu, lokwakungahle kube lusito kini.

Imisebenti yebaPhostoli 5:20

“Hambani niye ethempelini, nitjele bantfu bonkhe ngalemphilo lensha.”

1 kubaseKorinthe 11:23

Ngobe mine ngakwemukela eNkhosini loko lenganinika kona, kutsi iNkhosi Jesu ngalobo busuku latsengiswa ngabo, watsatsa sinkhwa,

1 kubaseKorinthe 15:3

Ngobe nami nganinika loko lokubalulekile lengakwemukela, kutsi Khristu wafa ngenca yetono tetfu, njengaloko isho imiBhalo,

Kubase-Efesu 4:11

Nguye futsi lowapha labanye kutsi babe baphostoli, labanye babe baphrofethi, labanye babe bavangeli, labanye babe belusi, labanye babe bafundzisi.

KumaHebheru 13:17

Hloniphani baholi benu, nilalele imitsetfo yabo, ngobe balindza imiphefumulo yenu bangaphumuli, njengobe bayawulandzisa ngayo. Nanenta njalo, nibasita, umsebenti wabo batawenta ngekujabula, hhayi ngelusizi; ngobe nani kungeke kunisite loko.