Hezekeli 32:8 - Siswati 1996 Bible

⁸ Tonkhe tikhanyisi leticwebetelako emazulwini ngiyawutenta tibe mnyama etikwakho; ngiyakwehlisela bumnyama etikwelive lakho, kusho iNkhosi Simakadze.

Hezekeli 32:8 Referencias Cruzadas

Genesisi 1:14

Nkulunkulu watsi: “Akube khona tibane emkhatsini wesibhakabhaka tehlukanise imini nebusuku; atibe tibonakaliso tetikhatsi, netemalanga, neteminyaka.

Jobe 9:7

Ukhuluma nelilanga kutsi lingakhanyi, lingete laphuma, usibekela kukhanya kwetinkhanyeti.

Eksodusi 10:22

Mosi waphakamisela sandla sakhe etulu esibhakabhakeni, kwaba nebumnyama lobulicinsi, lobasibekela lonkhe live laseGibhithe emalanga lamatsatfu.

Taga 20:20

Umuntfu localekisa uyise nome unina siphetfo sakhe siyawufanana nekucima kwesibane ebumnyameni lobuphatsekako.

Umshumayeli 12:2

Mkhumbule yena, lilanga, nekukhanya, nenyanga netinkhanyeti kusengakafiphali, nemafu asengakabuyeli emvakwemvula.

Isaya 13:10

Umtsentse welizulu kanye nato tonkhe tinkhanyeti ngemabutfo ato kungeke kukuvete kukhanya kwako. Lilanga leliphumako litakwentiwa libe mnyama, ngisho nenyanga iyakwehluleka kukhanyisa.

Isaya 34:4

Tonkhe tinkhanyeti tasemazulwini tiyawuncibilika, nesibhakabhaka sigocotwe njengencwadzi legocotwako; tonkhe letinkhanyeti tasesibhakabhakeni tiyakuwa njengemacembe lomile lahhohloka esihlahleni semvini, nanjengemakhiwa lasabunile nakahhohloka esihlahleni semkhiwa.

Joweli 2:10

Embikwaso umhlaba uyatamatama, kutsi sibhakabhaka sitfutfumele, lilanga nenyanga kube mnyama, kutsi tinkhanyeti tingabe tisakhanya.

Zakhariya 14:6

Ngalelo langa kuyawubate kukhanya, nekucandza, nesitfwatfwa.