Hezekeli 32:2 - Siswati 1996 Bible

² “Ndvodzana yemuntfu, lila, ulilele Faro, inkhosi yaseGibhithe, utsi: “ ‘Ufanana nelibhubesi emkhatsini wetive; ufanana nanyokangwenya etilwandle, ushaya lidamu emifudlaneni yakho, uphehle emanti ngetinyawo takho, udvunge lemifudlana.

Hezekeli 32:2 Referencias Cruzadas

Genesisi 49:9

Juda ufanana neliwundlu lelibhubesi, ndvodzana yami, usukile enyamataneni loyibulele wabuyela esikhundleni sakho, waguca, walala njengelibhubesi nanjengelibhubesikati, ngubani nje longahle akucale?

Jobe 41:23

Imitsebe yakhe ihlangene icinile, futsi ayehlukaniseki.

Jobe 7:12

Ngilwandle yini mine, nome ngingumkhoma waselwandle yini, kutsi sewungaze uhlale ungigadzile?

Taga 25:26

Njengemtfombo lodvungekile nome siyalu lesinashevu, unjalo umuntfu lolungile nakatihlanganisa nemuntfu lomubi.

Taga 28:15

Njengelibhubesi lelibhodlako nelibhele lelihhongako, unjalo umbusi lomubi lobusa bantfu labeswele.

Taga 30:30

Libhubesi: linemandla kunato tonkhe tilwane, futsi alesabi lutfo.

Isaya 27:1

Ngalelo langa Simakadze uyawujezisa ngenkemba yakhe leyesabekako, lenkhulu nalenemandla lamakhulu, uyawujezisa Leviyathani, inyoka lenyelelako, yebo, Leviyathani, inyoka letibutsako; yena uyawubulala silo saselwandle.

Isaya 51:9

Vuka, vuka! Tembatsise ngemandla, wena mkhono waSimakadze; vuka, ube nguloku bewungiko kucala, njengasetitukulwaneni takadzeni. Kwakungesiwe yini lona lowacoba Rahabi waba ticucu, lowagwaza leso silwane lesikhulu nalesesabekako?

Jeremiya 4:7

Libhubesi liphumile emhumeni walo; umbhubhisi wetive sewuphumele ngephandle. Selisukile endzaweni yalo, litewuphundla lelive lenu. Emadolobha enu atawuba tindzala, abete bantfu labahlala kuwo.

Jeremiya 46:7

“Ngubani lona lokhuphuka njengemfula iNayili, anjengemifula lenemanti lagubhutelako?

Jeremiya 46:8

IGibhithe ikhuphuka njengeNayili, injengemifula lenemanti lagubhutelako. Itsi: ‘Ngitawuvumbuka ngigcibedzele umhlaba; ngitawubhubhisa emadolobha kanye nebantfu labahlala kuwo.’

Jeremiya 9:18

Abefike masinyane, batesikhihlela sililo, emehlo etfu adzimate aphophote tinyembeti; kugobhote imifula yemanti etinkhopheni tetfu.

Hezekeli 26:17

Bayawube sebadzindza sililo macondzana nawe, batsi: “ ‘Awu, dolobha lelidvume kangaka, ubhujiswe kanjani, bewugcwele emadvodza aselwandle! Wawungemandla etikwetilwandle, wena kanye nebantfu labahlala kuwe; wagcwalisa ngekwesaba bonkhe lababehlala lapho.

Hezekeli 27:2

“Ndvodzana yemuntfu, dzindza sililo macondzana neThire.

Hezekeli 27:32

Bayawukhihla lesikhulu sililo ngesikhatsi babubula bakhala ngenca yakho, batsi: “Ngubani nje lowake wathuliswa njengeThire, letungeletwe lwandle?”

Hezekeli 28:12

“Ndvodzana yemuntfu, dzindza sililo ngenkhosi yaseThire, utsi kuyo: ‘Naku lokushiwo yiNkhosi Simakadze, itsi: “ ‘Wena bewusibonelo sekuphelela, ugcwele kuhlakanipha, futsi uphelele ngebuhle.

Hezekeli 29:15

Kuyawuba ngumbuso lotfobe kunayo yonkhe leminye, futsi ngeke uphindze utiphakamise ngetulu kwaletinye tive. Ngiyakuwenta ube butsakatsaka kakhulu kangangekutsi ungasaphindzi ubuse etikwetive.

Hezekeli 29:3

Khuluma kuyo utsi: ‘Naku lokushiwo yiNkhosi Simakadze, itsi: “ ‘Ngimelene nawe, Faro, nkhosi yaseGibhithe, wena nyokangwenya lenkhulu, wena locambalele emkhatsini wemifudlana yakho. Ukhuluma utsi: “INayili yami, ngatakhela yona mine.”

Hezekeli 32:16

“Lesi sililo labayakuyihlabelela sona. Emadvodzakati etive ayakusihlabela; ngobe ayawulilela iGibhithe neticumbi tayo, kusho iNkhosi Simakadze.”

Hezekeli 32:18

“Ndvodzana yemuntfu, lilela ticumbi tebantfu baseGibhithe, bese ubehlisela emhlabeni longaphansi, yona kanye nemadvodzakati etive letinemandla kanye nalabo labehlela emgodzini.

Hezekeli 34:18

Akukeneli yini kini kutsi niklabe edlelweni lelihle? Futsi kufanele yini kutsi nigcobagcobe lencenye yelidlelo ngetinyawo tenu? Akukeneli yini kini kunatsa lamanti lahlobile? Kufanele yini kutsi niwadvunge ngetinyawo tenu lamanti?

Hezekeli 38:13

BaseSheba, nebaseDedani, nebahwebi baseThashishi nebakuyo yonkhe imiti yayo bayawutsi kuwe: “Utewuphanga yini? Lolucucaba lwakho ulubutsele kutasemuka timphahla yini, wetfwale isiliva kanye negolide, utsatse tifuyo netimphahla, utsatse nemphango lenyenti?” ’

Numeri 24:9

Njengelibhubesi bayahoshoba bacambalale phansi, yebo, nanjengelibhubesi lelisikati, ngubani nje longacala abavuse? “Ababusiswe labo labakubusisako, bacalekiswe labo labakucalekisako!”

Matewu 7:24

“Ngako-ke wonkhe umuntfu lova lamavi ami awente, ufanana nendvodza lehlakaniphile, leyakha indlu yayo etikwelidvwala.