Hezekeli 32:18 - Siswati 1996 Bible

¹⁸ “Ndvodzana yemuntfu, lilela ticumbi tebantfu baseGibhithe, bese ubehlisela emhlabeni longaphansi, yona kanye nemadvodzakati etive letinemandla kanye nalabo labehlela emgodzini.

Hezekeli 32:18 Referencias Cruzadas

Tihlabelelo 30:9

“Nzuzo yini leyawutfolakala ngekubhujiswa kwami, nangabe sengiye ethuneni? Bantfu lese babuyele elutfulini bangakubonga yini? Bangakhuluma yini ngekwetsembeka kwakho?

Tihlabelelo 63:9

Kodvwa labafuna kubhubhisa imphilo yami bayawushona phansi ethuneni,

Isaya 14:15

Kodvwa sewehliselwe phansi endzaweni yalabafile, emajukujukwini emgodzi.

Isaya 16:9

Ngako ngiyakhala, njengobe kukhala iJaseri, ngikhalela imivini yaseSibima. Awu! Heshboni, nawe Eleyale, nginenye etinyembetini! Kumemeta kwenjabulo ngetitselo tenu lesetivutsiwe kuthulisiwe, kwabindziswa nenjabulo ngetivuno tenu.

Jeremiya 1:10

Buka la, lamuhla ngikubeka etikwetive nasetikwemibuso kutsi usiphule ubuye uhhihlite; ubhidlite ubuye uketule, nekutsi wakhe ubuye uhlanyele.”

Hezekeli 26:20

ngulapho-ke ngiyawukwehlisa nawe kanye nalabo labehlela phansi emgodzini, kubantfu basemandvulo. Ngiyawukuhlalisa endzaweni lengaphansi kwemhlaba, njengasetindzaleni takadzeni kanye nalabo labehlela phansi emgodzini, futsi ngeke ubuye nome utewutsatsa indzawo yakho eveni lalabaphilako.

Hezekeli 31:14

Ngako-ke kute letinye tihlahla letingasemantini letiyawuphakama tiye etulu ngekutigcabha, tiphakamisele tihloko tato tengamele emacembe lahlangene. Kute letinye tihlahla letiniselwa kahle letiyawuke tikhule tibe tidze ngangaleso sihlahla; tonkhe timiselwe kufa, tiye ngaphansi kwemhlaba, emkhatsini webantfu lababhubhako, kanye nalabo labehlela emgodzini.

Hezekeli 31:16

Tive ngatitfutfumelisa ngemsindvo wekuwa kwawo ngesikhatsi ngiwehlisela ethuneni kanye nalabo labehlela emgodzini. Ngako tonkhe tihlahla tase-Edeni, telikhetselo naletinhle kakhulu taseLebanoni, tonkhe tihlahla letatiniselwa kahle, tadvudvuteka emhlabeni longaphansi.

Hezekeli 32:12

Ticumbi tebantfu bakho ngiyawutilahla phansi ngetinkemba temachawe lanemandla, yebo, emachawe lanelunya kwendlula tonkhe tive. Umgcabho waseGibhithe ayakuwuphihlita, kutsi tonkhe ticumbi tebantfu bayo tiketulwe.

Hezekeli 32:16

“Lesi sililo labayakuyihlabelela sona. Emadvodzakati etive ayakusihlabela; ngobe ayawulilela iGibhithe neticumbi tayo, kusho iNkhosi Simakadze.”

Hezekeli 32:2

“Ndvodzana yemuntfu, lila, ulilele Faro, inkhosi yaseGibhithe, utsi: “ ‘Ufanana nelibhubesi emkhatsini wetive; ufanana nanyokangwenya etilwandle, ushaya lidamu emifudlaneni yakho, uphehle emanti ngetinyawo takho, udvunge lemifudlana.

Hezekeli 32:21

Tingwazi letatinemandla kanye nalabebasitana neGibhithe, bemukela emaGibhithe eveni lalabafile. Bememeta batsi: ‘Labangakasoki sebehlile, sebalele lapha, sebabulewe ngenkemba!’

Hezekeli 43:3

Lombono lengawubona wawufanana nembono lengangiwubone, nakefika kutewubhubhisa lidolobha, uphindze ufanane nemibono lengangiyibone eceleni kwemfula iKhebari, ngawa ngibhekise buso phansi.

Hoseya 6:5

Ngako-ke nganishaya nganijuba ticucu ngemavi ebaphrofethi bami, nganibulala ngemavi emlomo wami; tehlulelo tami timanyata njengembane etikwenu, tinehlele nome nini.

Mikha 1:8

Mikha wase utsi: “Ngenca yaloko ngitawukhala ngilile kuze ngikhombise kudzabuka kwami, ngitawuhamba ngcunu ngingafaki ngisho neticatfulo, ngishaye umkhulungwane njengenja, ngikhale njengesahhukulu, ngikekele njengenshi.

Matewu 11:23

“Nawe-ke Khaphanawume, ucabanga kutsi uyawuphakanyiselwa ezulwini yini? Uyakwehliselwa endzaweni yalabafile, ngobe kube yayentiwe eSodoma imisebenti yemandla leyayentiwe kuwe, ngabe ikhona nalamuhla.

Lukha 19:41

Asasondzela eJerusalema wayibuka wayililela.

KubaseRoma 12:15

Nijabule nalabajabulako, nikhale nalabakhalako.