Hezekeli 30:4 - Siswati 1996 Bible

⁴ Inkemba iyawubefikela baseGibhithe, nebuhlungu benhlitiyo buyawubehlela baseKushe. Ngesikhatsi lasebagwaziwe bawa eGibhithe, umcebo wayo uyawutfunjwa, netisekelo tayo tiyawucheketwa ekhatsi.

Hezekeli 30:4 Referencias Cruzadas

Isaya 16:7

Ngako-ke emaMowabi ayawutikhalela; ayawulila ndzawonye ngelakaMowabi. Lilani nidzabuke ngenca yemakhekhe emagelebisi lomisiwe langasatfolakali eKhiri Heresi.

Isaya 18:1

Maye kuwe wena live leligubhutisa timphiko, lingesheya kwemifula yaseSudani,

Isaya 19:2

“Ngitawuchukuluta umGibhithe avukele umGibhithe, umnakabo uyakulwa nemnakabo, makhelwane acabane namakhelwane, lidolobha lihlasele lidolobha, umbuso uvukele umbuso.

Isaya 20:3

Simakadze wase utsi: “Njengobe inceku yami, Isaya, beyihamba ngcunu ingakafaki lutfo nasetinyaweni iminyaka lemitsatfu, lokusibonakaliso nemhlolo kwalokutawuvelela iGibhithe neSudani,

Jeremiya 46:9

Awu, subatsani, mahhashi! Nani bagibeli betincola, tigijimiseni, kube shangatsi senitinhlanya! Hlaselani, nani tingwazi: Nine madvodza aseKushe newasePhuthi, lenibambe emahawu, nani madvodza aseLidiya lajijimeta ngebutjoki.

Jeremiya 50:15

Hlabani umkhosi kuyo yonkhe indzawo! Iphakamisa tandla, imibhoshongo yayo iyawa, tibondza tayo tihhihlitelwa phansi. Njengobe loku kukuphindzisela kwaSimakadze, yikhipheleni sibhongo, yentani kuyo njengobe nayo yentile kulabanye.

Hezekeli 28:23

Ngiyawutfumela sifo lesibulalanako etikwakho, ngigeletise ingati etitaladini takho. Labahlatjiwe bayawusacatekela ekhatsi kuwe, inkemba iyawukuhlasela macala onkhe. Ngulapho-ke bayawukwati khona kutsi mine nginguSimakadze.’ ”

Hezekeli 29:12

Live laseGibhithe ngiyawulenta libe lihlane kunawo onkhe emave lagagadzekile, nemadolobha alo ayawusala angenabantfu iminyaka lengema-40 emkhatsini wemadolobha labhidlitiwe. Ngiyawubahlakata baseGibhithe ngibayise etiveni, ngibasakatele emaveni ngemave.

Hezekeli 29:19

Ngako-ke naku lokushiwo yiNkhosi Simakadze, itsi: Ngitawunikela iGibhithe kuNebukhadnezari, inkhosi yaseBhabhulona, uyawutfumba umcebo wayo. Uyawuphanga atfumbe ingcebo yalelive kube yinkhokhelo yemabutfo akhe.

Hezekeli 29:8

“ ‘Ngako-ke naku lokushiwo yiNkhosi Simakadze, itsi: Ngiyawutfumela inkemba imelane nawe, ngibulale bantfu bakakho netifuyo tabo.

Hezekeli 38:5

IPheresiya, neKushe, nePhuthi iyawuba kanye nabo, bonkhe banemahawu netimphantitje,

Danyela 11:43

Iyawuba nemandla ekulawula umcebo wegolide newesiliva, netimphahla tonkhe taseGibhithe letidule kakhulu, itfobise baseLibiya nebaseKushe.

Zefaniya 2:12

“Nani futsi, maKushe, niyawubulawa ngenkemba yami.”