Hezekeli 30:3 - Siswati 1996 Bible

³ Ngobe lilanga selisedvute, lilanga laSimakadze selisondzele, lilanga lemafu, sikhatsi sekubhubha kwetive.

Hezekeli 30:3 Referencias Cruzadas

Tihlabelelo 110:6

Uyakwehlulela tive, kuyawulala lucaca lwetidvumbu, aphihlite onkhe emakhosi emhlaba.

Tihlabelelo 37:13

Kodvwa Simakadze uyamhleka lona lomubi, ngobe uyabona kutsi sekuyamphelela.

Eksodusi 14:20

yabasemkhatsini wesive saseGibhithe nesive sema-Israyeli. Lelifu laba bumnyama esiveni saseGibhithe, kodvwa laba kukhanya esiveni sema-Israyeli ngabo bonkhe lobo busuku. Sive semaGibhithe nesive sema-Israyeli atizange tihlangane.

Eksodusi 14:24

Kwatsi kuseluvivi, Simakadze wabuka phansi asensikeni yemlilo neyelifu abuka imphi yemaGibhithe, emabutfo aseGibhithe wawasanganisa.

Isaya 13:6

“Lilani, ngobe lilanga laSimakadze selisondzele, litawufika liyimbhubhiso levela kuSomandla.

Isaya 13:9

Bukani, lilanga laSimakadze liyasondzela, lilanga lelinelulaka, nentfukutselo, nelulaka lolwesabekako; litekwenta live libe lihlane, libuye libhubhise netoni letikulo.

Isaya 19:1

Livi lesembulo lelimacondzana nelive laseGibhithe: Buka la, Simakadze ugibela lifu leligijima kakhulu, ubange kulaseGibhithe. Tithico taseGibhithe tiyawutfutfumela embikwakhe, netinhlitiyo tebantfu baseGibhithe tiyancibilika ngekhatsi kwabo.

Jeremiya 25:31

Sidvumo siyawuhokoma sivakale nasemikhawulweni yemhlaba, ngobe Simakadze tive uyawutibeka emacala, uyakwehlulela bonkhe bantfu, lababi abalalise phansi ngenkemba,’ ” kusho Simakadze.

Hezekeli 13:5

Anikenyukeli etulu etikhaleni letiselubondzeni lwendlu yaka-Israyeli, kutsi nitivale khona lutakuma lucine lulungele imphi ngelilanga laSimakadze.

Hezekeli 29:12

Live laseGibhithe ngiyawulenta libe lihlane kunawo onkhe emave lagagadzekile, nemadolobha alo ayawusala angenabantfu iminyaka lengema-40 emkhatsini wemadolobha labhidlitiwe. Ngiyawubahlakata baseGibhithe ngibayise etiveni, ngibasakatele emaveni ngemave.

Hezekeli 30:18

Lilanga liyawuba bumnyama eThaphanesi, mhlazana ngigamula lijoko laseGibhithe; lapho-ke emandla ayo letigabatisa ngawo ayawuphela. Iyawusibekelwa ngemafu, netabelo tayo tiyawutfunjwa.

Hezekeli 32:7

Nase ngikucisha, ngiyakuwasibekela emazulu, ngente tinkhanyeti tawo tibe mnyama. Lilanga ngiyakulimbonya ngelifu, nenyanga ingakukhiphi kukhanya kwayo.

Hezekeli 34:12

Njengemelusi nakeluse umhlambi wetimvu takhe losakatekile, nakanato, kanjalo nami ngiyawutelusela timvu tami. Ngiyawutephula kuto tonkhe tindzawo lapho tisakatelwe khona ngalelo langa lemafu nelebumnyama.

Hezekeli 7:10

“Lilanga selilapha! Selifikile! Imbhubhiso seyehlile, indvuku seyihlumile, kutidla kwachakaza!

Hezekeli 7:12

“Sikhatsi sesifikile, lilanga selikhona. Lowo lotsengako akangajabuli, nalowo lotsengisako angadzabuki, ngobe lulaka lusetikwaso sonkhe lesicumbi.

Hezekeli 7:19

Bayawulahla isiliva yabo etitaladini, negolide yabo iyawuba yintfo lengcolile lengenamsebenti. Isiliva negolide yabo ingeke ikhone kubasindzisa ngelilanga lelulaka lwaSimakadze. Ingeke ikwesutsise kulamba kwabo, futsi bangeke batigcwalise tisu tabo ngayo, ngobe ngiyo lebente bakhubatela baze bangena esonweni.

Hezekeli 7:7

Kubhujiswa sekufikile kuwe, wena lohlala eveni. Sikhatsi sesifikile, lilanga selisondzele, kunekwesaba, hhayi kujabula etikwetintsaba.

Joweli 1:15

Maye, lilanga lelesabekako! Ngobe lilanga laSimakadze lisedvute, lilanga Somandla layawuletsa ngalo imbhubhiso.

Obadiya 1:15

“Lilanga laSimakadze lekwehlulela tonkhe tive selisondzele. Njengobe wentile nawe Edomu kuyakwentiwa njalo nakuwe; tento takho tiyawuphindziselwa kuwe.

Zefaniya 1:14

“Lilanga lelikhulu laSimakadze selisondzele, yebo, lisedvute, futsi lita ngekushesha. Lalelani! Kukhala kwangalelo langa laSimakadze kuyawuba munyu, sekuhhewula libutfo lapho.

Zefaniya 1:7

“Thula embikweNkhosi Simakadze, ngobe lilanga laSimakadze selisondzele. Simakadze sewulungise umhlatjelo; ubehlukanisile labo labamemile.

Matewu 24:33

Kanjalo-ke nani, nanibona konkhe loku kwenteka, nibokwati kutsi sekusedvute ngasemnyango.

KubaseFiliphi 4:5

Kubeketela kwenu ngebumnene akwatiwe bantfu bonkhe, iNkhosi isedvute.

YaJakobe 5:9

Bazalwane, ningasolani, khona ningetikwehlulelwa; nangu uMgwebi aseme emnyango.

Sembulo 6:17

ngobe lilanga lelikhulu lelulaka labo selifikile. Ngubani longaba nemandla ekuma?”