Hezekeli 30:21 - Siswati 1996 Bible

²¹ “Ndvodzana yemuntfu, ngiwephulile umkhono waFaro, inkhosi yaseGibhithe. Bewungakaboshelwa kutsi uphiliswe, futsi ungakasinyiswa nangetindvuku kuze ucine ngalokwenele kutsi ubambe inkemba.

Hezekeli 30:21 Referencias Cruzadas

2 Emakhosi 24:7

Inkhosi yaseGibhithe nemabutfo ayo ayizange iphindze ivive iyewuhlasela ngephandle kwelive layo, ngobe phela inkhosi yaseBhabhulona yase ilitsetse lonkhe live layo, kusukela emfudlaneni waseGibhithe kuze kufike emfuleni iYufrathe.

Tihlabelelo 10:15

Juba sandla salomubi losikhohlakali, jezisa bubi bakhe, kuze kubete lokusalako.

Tihlabelelo 37:17

Emandla alababi ayawukwephulwa, kodvwa Simakadze uyabaphasa labalungile.

Tihlabelelo 89:43

Nenkemba yayo ayikadli enyameni, wayenta yehluleka ngisho nekubhekana nemphi.

Isaya 1:6

Kusukela elutwaneni lwelunyawo lwenu kuze kuyewufika enhloko yenu, kute nakunye lokukahle, kugcwele emanceba, nemihuzuko, netilondza letikhamisile, lekungazange kugezwe nome kuboshwe kubuye kugcotjiswe ngemafutsa.

Jeremiya 30:13

Sekute namunye longakuncengela kulelicala lakho, sekute nelikhambi lalesilondza sakho, kute longakwelapha.

Jeremiya 44:30

Naku lokushiwo nguSimakadze, utsi: ‘Faro Hofra, inkhosi yaseGibhithe, ngitamnikela esandleni setitsa takhe letifunana nemphilo yakhe, njengobe naSedekiya, inkhosi yakaJuda, ngamnikela kuNebukhadnezari, inkhosi yaseBhabhulona, sitsa lesasifunana nemphilo yakhe.’ ”

Jeremiya 46:11

“Khuphukela kaGileyadi uyewutfola ibhalisamu, awu, wena ntfombi, Ndvodzakati yaseGibhithe. Kodvwa wandzisa imitsi yakho yekwelapha, wayandzisa mahhala. Yeka, solo awelapheki.

Jeremiya 48:25

Luphondvo lwaMowabi lujubekile, luganyuliwe, nemkhono wakhe uganyuliwe,” kusho Simakadze.

Hezekeli 30:24

Ngiyakuyicinisa imikhono yenkhosi yaseBhabhulona, ngifake inkemba yami esandleni sayo, kodvwa yona imikhono yaFaro ngiyakuyigamula. Uyawububula embikwenkhosi yaseBhabhulona njengemuntfu phaca logwaziwe.

Hezekeli 39:3

Ngiyawube-ke sengivitsita butjoki bakho esandleni sakho sangesancele, ngiyilahle phansi imicibisholo yakho lesesandleni sakho sangesekudla.

Nahume 3:16

Bahwebi bakho ubandzise baba banyenti, bendlula tinkhanyeti tesibhakabhaka. Kodvwa nyalo balingise tintsetse ngekutsi bahluphulute live, bese bayabaleka.

Zakhariya 11:17

“Maye kumelusi longasiti lutfo, loshiya umhlambi! Shangatsi inkemba ingashaya umkhono wakhe neliso lakhe langesekudla! Shangatsi umkhono wakhe ungashwaphana, neliso lakhe langesekudla livaleke ngci!”

Sembulo 18:21

Kwase kusuka ingilosi lenemandla yatsatsa inguzanguza yelitje lelingangelekusila, yalijikijela elwandle, ikhuluma itsi: “Iyakwentiwa njalo-ke neBhabhulona, lidolobha lelikhulu, iyawujikijelwa phansi ngemandla lamakhulu, ilahlwe, ingaphindzi ibonakale.