Hezekeli 3:7 - Siswati 1996 Bible

⁷ Kodvwa indlu yaka-Israyeli ayikatimiseli kukulalela, ngobe ayikatimiseli nekulalela mine, ngobe yonkhe indlu yaka-Israyeli inenhloko lelukhuni nenhlitiyo lelitje.

Hezekeli 3:7 Referencias Cruzadas

Isaya 3:9

Kukhetsa kwabo buso ekwehluleleni kubufakazi lobumelene nabo; bashengetisa ngesono sabo njengeSodoma, abasifihli nakancane. Maye kubo! Batiletsele inhlekelele etikwabo.

Isaya 48:4

Ngobe nganginati kutsi ninenkhani kangakanani. Imisipha yetintsamo tenu kutinsimbi, nemabunti enu kungewelitfusi.

Jeremiya 3:3

Ngako-ke imvula yabanjwa langete lana, kwabate nembodlisamahlanga. Noko waba nelibunti lelomile lebugwababane, wangete wadliwa nangemahloni ngaloko.

Jeremiya 44:16

“Singeke sililalele lelivi lolikhulume kitsi ngelibito laSimakadze.

Jeremiya 5:3

Awu Simakadze, emehlo akho akafuni lona yini liciniso? Wabashaya, kodvwa abazange babuve buhlungu, wabapitjita, kodvwa bakwala kucondziswa. Benta buso babo baba lukhuni kunelitje, bala kuphendvuka.

Jeremiya 6:10

Ngubani nje lengingakhuluma kuye ngimecwayise? Ngubani lotangilalela? Tindlebe tabo tivalekile, kuze bangetikuva. Livi laSimakadze lisikhubekiso kubo, abajabuli ngalo.

Jeremiya 6:17

Ngabeka balindzi etikwenu, ngatsi: ‘Lalelani kukhala kwempalampala,’ kodvwa nine natsi: ‘Ngeke sikulalele.’

Jeremiya 7:27

“Nawubatjela konkhe loku, bangeke bakulalele; nawubabita, bangeke basabele.

Hezekeli 2:4

Lesive lengikutfumela kuso sinenkhani nenhloko lelukhuni. Khuluma kuso, utsi: ‘Naku lokushiwo yiNkhosi Simakadze.’

Hezekeli 24:7

“ ‘Ngobe lengati leliyicitsile isekhatsi kulo: Layitsela edvwaleni lelingenalutfo; alizange liyitsele emhlabatsini, lapho beyitawumbonywa khona lutfuli.

Hezekeli 3:6

hhayi etiveni letinyenti letinelulwimi lolungacondzakali nalolulukhuni, naletikhuluma emavi longeke uwacondze. Nembala kube bengikutfumele kuto, betitakulalela.

Hezekeli 3:8

Kodvwa wena ngitakwenta ungabatsambeli futsi ube lukhuni njengabo.

Zakhariya 7:11

“Kodvwa bala kulalela, bavuka inkhani bafulatsela, bavala tindlebe tabo.

Zakhariya 7:12

Benta tinhlitiyo tabo taba lukhuni njengelitje, bangete bawulalela umtsetfo, bangawalaleli nemavi lakhulunywa nguSimakadze longuSomandla, lawatfumela ngaMoya wakhe ngebaphrofethi bakadzeni. Ngako-ke Simakadze longuSomandla watfukutsela kakhulu.

Lukha 10:16

Wase utsi kubafundzi bakhe: “Lonilalelako, ulalela mine; longanemukeli, akemukeli mine; nalowo longangemukeli, akamemukeli nalowo longitfumile.”

Lukha 13:34

“Jerusalema, Jerusalema! Ubulala baphrofethi, ugcobe ngematje titfunywa taNkulunkulu letitfunyelwe kuwe! Sekukangaki ngifuna kufukamela bonkhe bantfu bakho, njengesikhukhukati sifukamela emantjwele ngaphansi kwemaphiko aso, kodvwa awuzange ungivumele!

Lukha 19:14

Kantsi takhamiti tatimtondza, ngako tase titfumela tigijimi kutsi tiyewubika tifike titsi: ‘Asimfuni lowo muntfu abe yinkhosi yetfu.’

1 Samuweli 8:7

Simakadze wakhuluma kuye, watsi: “Kulalele konkhe loko lokukhulunywa ngulesive kuwe; akusiwe labamlahlile, kodvwa sebalahle mine kutsi ngibe yinkhosi yabo.