Hezekeli 3:3 - Siswati 1996 Bible

³ Wase ukhuluma kimi, utsi: “Ndvodzana yemuntfu, dlani lencwadzi legocotwako lengikunika yona, ugcwalise sisu sakho ngayo.” Ngako ngayidla, ngayiva inongotela njengeluju emlonyeni wami.

Hezekeli 3:3 Referencias Cruzadas

Jobe 23:12

Angikesuki emiyalweni yetindzebe takhe. Emavi emlomo wakhe ngiwente aba ligugu kwendlula kudla kwami kwemalanga onkhe.

Tihlabelelo 119:103

Maye, timnandzi tetsembiso takho kimi! Tinongotela kwengca luju lwetinyosi emlonyeni wami.

Tihlabelelo 119:11

Livi lakho ngililondvolote enhlitiyweni yami, kuze ngingoni kuwe.

Tihlabelelo 119:97

Maye, ngiyawutsandza umtsetfo wakho! Ngizindla ngawo imini yonkhe.

Tihlabelelo 19:10

Titsandzeka kakhulu kunegolide lecengekile, yebo, kakhulu kunegolide lecengekile, timnandzi kakhulu kuneluju, yebo, kakhulu kunematfonsi eluju.

Tihlabelelo 19:11

Impela, inceku yakho iyalwa ngato, lowo lotigcinako unemvuzo lomkhulu.

Jeremiya 15:16

Emavi akho atsi nakefika kimi, ngawadla, aba yinjabulo yami nentfokoto yenhlitiyo yami, ngobe ngibitwa ngeLibito lakho, awu, Simakadze Nkulunkulu longuSomandla.

Jeremiya 20:9

Kodvwa nangitsi: “Ngingeke ngisambita, futsi ngeke ngisakhuluma egameni lakhe,” livi lakhe lisenhlitiyweni yami lishisa njengemlilo lovalelwe ematsanjeni ami. Sengidziniwe kulibandzetela ngekhatsi kimi, ngempela angisakhoni.

Jeremiya 6:11

Kodvwa mine ngigcwele lulaka lwaSimakadze, futsi ngingeke ngisalubeketelela lukimi. Simakadze wase utsi kimi: “Lutfululele kubantfwana labasetitaladini, nasemajaheni labutsene ndzawonye; bonkhe bafati nemadvodza abo bayawubhajwa kulo, kanye nalabadzala labo lasebahanjelwe ngiminyaka.

Hezekeli 2:10

layisombulula embikwami. Ngala nangale kwayo kwakubhalwe emavi ekulila, newekukhala kanye newelusizi.

Hezekeli 2:8

Kodvwa wena, ndvodzana yemuntfu, lalela loko lengikushoko kuwe. Ungahlubuki njengalendlu lehlubukako; vula umlomo wakho udle loko lengikunika kona.”

Hezekeli 3:4

Wakhuluma kimi, watsi: “Ndvodzana yemuntfu, hamba nyalo uye kuyo indlu yaka-Israyeli, ufike ukhulume emavi ami kuyo.

Johane 7:38

Lokholwa ngimi, njengekusho kwemiBhalo, etibilinini takhe kuyawuhlala kugobhota imifula yemanti ekuphila.”

KubaseKholose 3:16

Livi laKhristu alihlale ngekhatsi kwenu liphuphume. Fundzisanani niyalane ngekuhlakanipha konkhe, nifundzisane ngemahubo nangetingoma, nangemaculo akaMoya. Nihlabelele Nkulunkulu ngekumbonga etinhlitiyweni tenu.