Hezekeli 3:26 - Siswati 1996 Bible

²⁶ Lulwimi lwakho ngitalunamatsisela elwangeni lwakho, khona utewubindza ungakwati kubakhalima, nome bayindlu lehlubukako nje.

Hezekeli 3:26 Referencias Cruzadas

Tihlabelelo 137:6

Shangatsi nelulwimi lwami lunganamatsela elwangeni lwami, nangingakhohlwa wena, ngingayenti iJerusalema ibe kujabula kwami lokukhulu.

Tihlabelelo 51:15

Hhawu, Nkhosi, vula tindzebe temlomo wami, kuze ngivakalise ludvumo lwakho.

Isaya 1:2

Lalelani, nine mazulu! Lalela nawe, mhlaba! Ngobe Simakadze sewukhulume, watsi: “Bantfwabami ngibondlile ngabakhulisa, kodvwa sebangihlamukile.

Jeremiya 1:17

“Tilungiselele! Sukuma ukhulume kubo konkhe loko lengikutfume kona. Ungabesabi, ngobe ngingahle ngikwetfuse lapha embikwabo.

Sililo 2:9

Emasango ayo ashone emhlabatsini; imicabo yayo wayifohlota wayibhubhisa. Inkhosi yayo netikhulu tayo tahlakatwa tayiswa etiveni, umtsetfo sekwabate, Nebaphrofethi bayo abasayitfoli imibono levela kuSimakadze.

Hezekeli 12:2

“Ndvodzana yemuntfu, uhlala emkhatsini wesive lesihlubukako. Banemehlo ekubona kodvwa ababoni, banetindlebe tekuva kodvwa abeva, ngobe basive lesihlubukako.

Hezekeli 12:3

“Ngako-ke, wena ndvodzana yemuntfu, bopha timphahla takho tekutfunjwa, phuma lapho ukhona, uphume emini babuka, uye kulenye indzawo. Mhlawumbe batakucondzisisa loko, lite nome bayindlu lehlubukako.

Hezekeli 24:27

Ngaleso sikhatsi umlomo wakho uyawuvuleka; uyawukhuluma naye ungasabindzi. Ngako uyawuba sibonakaliso kubo, futsi-ke bayawukwati kutsi mine nginguSimakadze.”

Hezekeli 33:22

Ngayitolo kusihlwa lendvodza isengakefiki, sandla saSimakadze sasisetikwami, wavula umlomo wami ekuseni lendvodza isengakefiki. Ngako umlomo wami wavuleka, ngangabe ngisabindza.

Danyela 10:15

Watsi asasho njalo kimi, ngakhotsama, buso bami bubheke phansi ngingasakhoni ngisho nekukhuluma.

Hoseya 4:17

Efrayimu utihlanganise netithico; myekeleni khona lapho!

Hoseya 4:4

“Kodvwa akubete umuntfu lobeka licala, akubete muntfu lobeka lomunye licala, ngobe mine ngibeka umphristi licala.

Amose 5:10

Nine bantfu niyamtondza umuntfu lomelana nebubi benu, nimedzelele umuntfu lokhuluma liciniso lodvwa enkhundleni.