Hezekeli 3:21 - Siswati 1996 Bible

²¹ Kodvwa nangabe wena umecwayisa umuntfu lolungile kutsi angoni, avele angete ona, impela uyawuphila yena, ngobe asitsetse leso secwayiso, nawe uyawube utisindzisile.”

Hezekeli 3:21 Referencias Cruzadas

Tihlabelelo 19:11

Impela, inceku yakho iyalwa ngato, lowo lotigcinako unemvuzo lomkhulu.

Taga 17:10

Umuntfu lohlakaniphile ufundza kancono ngekwekhutwa kanye; kantsi umuntfu losilima akafundzi lutfo nome asashaywe imivimba lelikhulu.

Taga 9:9

Nawuyala umuntfu lohlakaniphile, utawusuka ahlakaniphe kakhulu; nawufundzisa umuntfu lolungile, yena usuka engete kulokufundza kwakhe.

Hezekeli 33:9

Kodvwa nangabe wena umecwayisa lomuntfu lomubi kutsi atiyekele tindlela takhe letimbi, yena angete atiyekela, lowo muntfu uyakufa ngenca yesono sakhe, kodvwa wena uyawube utisindzisile.”

Imisebenti yebaPhostoli 20:31

Ngako-ke caphelani nikhumbule kutsi ngetinyembeti letinyenti imini nebusuku benginifundzisa ngamunye ngamunye, kwaze kwaphela iminyaka lemitsatfu.

1 kubaseKorinthe 10:12

Ngako-ke lotsi umile, akacaphele kutsi angawi.

1 kubaseKorinthe 4:14

Anginibhaleli loku ngobe ngicondze kunidlisa ngemahloni, kodvwa ngiyaneluleka njengebantfwabami lengibatsandzako.

KubaseKholose 1:28

Nguye lesimshumayelako, seluleka bonkhe bantfu, sifundzisa bonkhe bantfu ngekuhlakanipha konkhe, kuze sikwati kumisa bonkhe bantfu baphelele kuKhristu Jesu.

1 kubaseThesalonika 5:14

Bazalwane, siyanikhutsata kutsi necwayise emavila, nibanike sibindzi labaphelelwa ngemandla emoyeni, ninakekele lababutsakatsaka, babeketeleleni bonkhe.

1 kuThimothi 4:16

Uticaphele wena nekufundzisa kwakho, ungesuki kuko; ngobe ngekwenta njalo utawube utisindzisa wena kanye nalabakuvako.

kuThithusi 2:15

Khuluma letintfo ngekuyala nekwekhuta ngawo onkhe emandla. Akubete lokubukela phansi.

YaJakobe 5:20

yatini kutsi lowo lobuyise soni ekwedukeni kwaso, uyawusindzisa umphefumulo waso ekufeni, asibekele tono letinyenti.

Sembulo 3:19

Labo lengibatsandzako ngiyabakhalimela ngibajezise; ngako-ke shisekela lokuhle, uphendvuke.