Hezekeli 3:18 - Siswati 1996 Bible

¹⁸ Nangikhuluma kumuntfu lomubi, ngitsi: ‘Nakanjani utakufa,’ wena-ke ungete wamecwayisa nome ukhulume kuye kutsi atiyekele tindlela takhe letimbi, khona utewusindzisa imphilo yakhe, lowo muntfu lomubi uyakufa ngenca yesono sakhe; mine-ke ingati yakhe ngiyakuyibita esandleni sakho.

Hezekeli 3:18 Referencias Cruzadas

Genesisi 2:17

kodvwa ungasidli sitselo sesihlahla sekwati lokulungile nalokungakalungi, ngobe mhlazana usidla uyakufa nekufa.”

Genesisi 42:22

Rubeni wakhuluma watsi: “Angitsi nganitjela kutsi ningamlimati lomfana. Kodvwa nangete nangilalela. Manje sekumele sitilandze ngaleyo ngati yakhe.”

2 Samuweli 4:11

Kubi kakhulu kanganani-ke kulabantfu lababi kangaka lababulele umuntfu longenacala, endlini yakhe atilalele embhedzeni wakhe. Mine ngitamkhiphela sibhongo kini ngekunibulala, nginitsanyele emhlabeni!”

2 Emakhosi 1:4

Ngako-ke naku lokushiwo nguSimakadze, utsi: ‘Ungeke usuke kulombhedze lolele kuwo. Nakanjani utakufa!’ ” Elija wahamba.

Taga 14:32

Umuntfu lomubi ucitfwa kutiphatsa kabi kwakhe; kodvwa lolungile uyasindza ngekuhlonipheka kwakhe.

Isaya 3:11

Maye kulababi! Inhlekelele isetikwabo! Kuyawuphindziselwa kubo njengekwenta kwetandla tabo.

Hezekeli 18:13

Webolekisela kutsi atfole inzuzo lenkhulu, atsatse nentalo lenkhulu kakhulu. Umuntfu lonjalo angaphila kanjani-ke? Ngeke! “Njengobe ente tonkhe letintfo letisinengiso, ngempela loyo uyawubulawa, nengati yakhe iyawubasetikwenhloko yakhe.

Hezekeli 18:20

Umuntfu lowonako nguye loyakufa. Indvodzana ngeke iletfwale licala leyise, futsi neyise ngeke aletfwale licala lendvodzana. Kulunga kwalolungile kuyawukhokhelwa ngalokuhle kuye, nebubi balomubi buyawubitwa kuye.

Hezekeli 18:4

Ngobe wonkhe umuntfu lophefumulako, wami, uyise kanye nemsa wakhe, bonkhe ngalokufananako, bami. Umuntfu lowonako nguye loyakufa.

Hezekeli 3:20

“Kantsi futsi, nangabe umuntfu lolungile ajika ekulungeni kwakhe ente lokubi, bese ngibeka intfo letamgila embikwakhe, yena uyakufa. Njengobe wena ungakamecwayisi, yena uyakufa ngenca yesono sakhe. Konkhe lokulungile lakwentile kungeke kukhunjulwe; mine-ke ingati yakhe ngiyakuyibita esandleni sakho.

Hezekeli 33:12

“Ngako-ke, ndvodzana yemuntfu, khuluma kulabantfu bakini, utsi: ‘Kulunga kwemuntfu lolungile kungeke kumsindzise nangabe aphambuka, nebubi bemuntfu lomubi bungeke bumente awe, nangabe agucuka kubo. Umuntfu lolungile, nangabe ona, angeke avunyelwe kutsi aphile ngenca yekulunga kwakhe kwakucala.’

Hezekeli 33:6

Kodvwa nangabe lomlindzi abona inkemba ita, angayishayi impalampala kwecwayisa bantfu, bese kuta inkemba idle munye wabo, lowo muntfu uyawususwa ngenca yesono sakhe, kodvwa ingati yalowo muntfu ngiyawuyibita kulowo mlindzi.’

Hezekeli 34:10

Naku lokushiwo yiNkhosi Simakadze, itsi: Ngimelene nalabelusi, futsi ngiyawubabeka licala ngalomhlambi wami. Ngiyawubesusa ekweluseni lomhlambi, khona labelusi bangetiwuchubeka nekutondla bona. Ngiyawutephula timvu tami emilonyeni yabo, futsi tingeke tiphindze tibe kudla kwabo.’ ”

Numeri 26:65

Kungobe Simakadze abetjele ema-Israyeli kutsi nakanjani atawufela ehlane, ngako kwabate nome munye lowasala ngaphandle kwaboKhalebi, umsa waJefune, naJoshuwa, umsa waNuni.

Lukha 13:3

Cha! Nginitjela kutsi, nangabe nani ningatishiyi tono tenu, niyawubhubha njengabo.

Lukha 13:5

Cha! Nginitjela kutsi, nangabe nani ningashiyi tono tenu, niyawubhubha njengabo.”

Johane 8:21

Jesu waphindza futsi watsi kubo: “Ngiyahamba mine, niyawungifuna, nifele etonweni tenu. Ningeke nikhone kuya lapho ngiya khona mine.”

Johane 8:24

Ngiko nje ngatsi kini: ‘Nitawufela etonweni tenu, naningakholwa kutsi: “Mine Nginguye leNginguye.” ’ ”

Imisebenti yebaPhostoli 2:40

Phetro wafakaza kubo abancenga ngemavi lamanyenti, atsi: “Tisindziseni kulesitukulwane lesiphambene!”

Imisebenti yebaPhostoli 3:19

Ngako, phendvukani, nibuyele kuNkulunkulu, kuze esule licala letono tenu,

1 kuThimothi 4:16

Uticaphele wena nekufundzisa kwakho, ungesuki kuko; ngobe ngekwenta njalo utawube utisindzisa wena kanye nalabakuvako.

1 kuThimothi 5:22

Ungasheshi kubeka tandla kunome ngukubani, futsi ungabambisani nemuntfu etonweni takhe; tigcine umsulwa.

1 Samuweli 8:9

Balalele, kodvwa ubayalisise, ubatise kutsi lenkhosi yabo letakubabusa itakwentani.”