Hezekeli 3:14 - Siswati 1996 Bible

¹⁴ Moya wangiphakamisela etulu wangisusa, ngahamba ngibuhlungu, umoya wami umunyu; ngobe sandla lesimatima saSimakadze sasisetikwami.

Hezekeli 3:14 Referencias Cruzadas

1 Emakhosi 18:12

Angati kutsi Moya waSimakadze utakwetfwala akuyisephi, mine nangisuka lapha kuwe. Nangingahamba ngiyewutjela Ahabi, afike lapho angasakukhandzi, utangibulala. Noko mine, nceku yakho, Simakadze ngimkhonte kusukela ebusheni bami.

1 Emakhosi 18:46

Emandla aSimakadze ehlela ku-Elija, wakhwicela ingubo yakhe ebhandeni lelaliselukhalo yacina, wagijima washiya Ahabi yonkhe indlela leya eJezreyeli.

2 Emakhosi 2:16

bakhuluma batsi: “Buka la; tsine, tinceku takho, sinemadvodza langema-50 lanelikhono. Kungaba njani asahambe ayewufuna inkhosi yakho, mhlawumbe Moya waSimakadze uyihlwitsile, wayibeka entsabeni letsite nome esihosheni lesitsite.” Elisha wabaphendvula watsi: “Cha, ningawatfumeli.”

2 Emakhosi 3:15

Kodvwa letsa lapha umdlali welihabhu.” Watsi umdlali welihabhu asadlala, sandla saSimakadze sehlela ku-Elisha,

Isaya 8:11

Simakadze wakhuluma kimi ngesandla sakhe lesinemandla, angecwayisa kutsi ngingatilandzeli tindlela talesive, watsi:

Jeremiya 6:11

Kodvwa mine ngigcwele lulaka lwaSimakadze, futsi ngingeke ngisalubeketelela lukimi. Simakadze wase utsi kimi: “Lutfululele kubantfwana labasetitaladini, nasemajaheni labutsene ndzawonye; bonkhe bafati nemadvodza abo bayawubhajwa kulo, kanye nalabadzala labo lasebahanjelwe ngiminyaka.

Hezekeli 1:3

kwefika livi laSimakadze kumphristi Hezekeli, umsa waBuzi, ngasemfuleni iKhebari eveni lemaBhabhulona. Ngulapho-ke lapho sandla saSimakadze sasisetikwakhe khona.

Hezekeli 11:1

Moya wangiphakamisa wangiyisa esangweni lendlu yaSimakadze lelalibheke ngasemphumalanga. Ekungeneni kwalelisango bekunemadvodza langema-25, emkhatsini wawo ngabona naJazaniya, umsa wa-Azuri, naPhelatiya, umsa waBhenaya, lekwakubaholi besive.

Hezekeli 3:12

Moya wase uyangiphakamisa, ngeva emvakwami livi lemsindvo lomkhulu lodvumako, litsi: “Bukhosi baSimakadze abudvunyiswe endzaweni yakhe yekuhlala!”

Hezekeli 37:1

Sandla saSimakadze sasisetikwami, wangikhiphela ngaphandle ngaMoya waSimakadze, wangimisa ekhatsi nendzawo esigodzini. Lesigodzi sasigcwele ematsambo.

Hezekeli 40:1

Kwatsi ngemnyaka wema-25 sitfunjiwe, ekucaleni nje kwemnyaka, tilishumi enyangeni, ngemnyaka weli-14 emvakwekuwa kweJerusalema, ngalona lelo langa nje sandla saSimakadze sasisetikwami, wangitsatsa wangiyisa khona.

Hezekeli 43:5

Moya wase uyangiphakamisa wangingenisa esibuyeni sangekhatsi, inkhatimulo yaSimakadze yagcwalisa lithempeli.

Hezekeli 8:1

Ngemnyaka wesitfupha, enyangeni yesitfupha, ngelilanga lesihlanu, ngisahleti endlini yami ngikanye nebaholi bakaJuda bahleti embikwami, sandla seNkhosi Simakadze sehlela etikwami khona lapho.

Hezekeli 8:3

Welula loko lokwakungatsi kusandla, wangibamba ngesihlutfu. Moya wangiphakamisela emkhatsini wemhlaba nelizulu: Wangitsatsa embonweni waNkulunkulu, wangitsatsa saya eJerusalema, ekungeneni kwelisango langasenyakatfo lesibuya lesisekhatsi nekhatsi, lapho kwakume khona lesithico lesibanga intfukutselo lenkhulu.

Johane 4:1

BaFarisi beva kutsi Jesu abetfola, futsi abhabhatisa bafundzi labanyenti kunaJohane.

Johane 4:3

Ngako-ke kwatsi Jesu nakakuva lokwase kukhulunywa, wesuka eJudiya wancandzeka wabuyela eGalile.

Johane 4:9

Lomfati wemSamariya waphendvula watsi: “Kodvwa njengobe wena ungumJuda mine ngingumSamariya, ungicelelani kutsi ngikunatsise?” Ngobe phela emaJuda akadlelani nemaSamariya.

Imisebenti yebaPhostoli 8:39

Batsi kube baphume emantini, Moya weNkhosi watsatsa Filiphu, siphatsimandla asizange siphindze simbone, noko sachubeka neluhambo lwaso sesihamba sijabula.

Sembulo 10:10

Ngayitsatsa-ke lencwajana esandleni salengilosi, ngayidla. Yaba mnandzi njengeluju emlonyeni wami, kodvwa ngatsi nase ngiyidlile yaluma esiswini sami.