Hezekeli 3:13 - Siswati 1996 Bible

¹³ Ngeva umsindvo wekutsintsana kwetimphiko tetidalwa letiphilako, nemsindvo wemasondvo lasemihlubulweni yato, lowawudvuma kakhulu njengekutamatama kwemhlaba.

Hezekeli 3:13 Referencias Cruzadas

2 Samuweli 5:24

Utawutsi ungeva tigi tekushuca kwawo lena enhla nato letihlahla tebhalisamu, usheshise ushakutele, ngobe loko kutawube kusho kutsi Simakadze sewuhambe embili kuyawubulala emabutfo emaFilisti.”

1 Emakhosi 7:30

Nguleyo naleyo ncodlana yayinemasondvo lamane nema-asi elitfusi; iyinye yayinemgezelo lowawusime ngetisimiso letimbili ngala nangale, letisimiso tatihlotjiswe ngetimbali.

Hezekeli 1:15

Ngatsi ngisabuka kuletidalwa letiphilako, ngabona lisondvo emhlabatsini emhlubulweni waleso naleso sidalwa lesinebuso lobune.

Hezekeli 1:24

Tatitsi natihamba letidalwa, ngive umsindvo wetimphiko tato unjengekudvuma kwemanti lagijimako, nanjengeliphimbo laSomandla, nanjengemdvumo wemphi. Tatitsi natima, tehlise timphiko tato.

Hezekeli 10:5

Umsindvo wetimphiko temakherubhi wawungevakala khashane, ngisho nasesibuyeni sangephandle, njengelivi laNkulunkulu Somandla, nakakhulumako.