Hezekeli 28:13 - Siswati 1996 Bible

¹³ Wawuse-Edeni, sivandze saNkulunkulu. Wawuhlotjiswe ngawo onkhe ematje laligugu: ngemarubhi, nangemathophazi, nangema-emeraldi, nangemakhrisolithe, nangema-oniksi, nangemajasiphi, nangemasafire, nangemathekhosi, nangemabherili. Kwekuhlanganisa lamatje akho laligugu nekwekuwanamatsisela kwakwentiwe ngegolide. Kwalungiswa kahle konkhe loko ngelilanga lowadalwa ngalo.

Hezekeli 28:13 Referencias Cruzadas

Genesisi 13:10

Loti watsi naphakamisa emehlo akhe, wabona litsafa lelinesihlambo semfula iJordane, linemanti lenele yonkhe indzawo, kuze kuyewufika eSowari; lalinjengensimi yaSimakadze nanjengelive laseGibhithe. Ngalesikhatsi Simakadze abesengakayibhubhisi iSodoma neGomora.

Genesisi 2:8

Nkulunkulu Simakadze wahlanyela insimi yase-Edeni ngasemphumalanga; wambeka khona-ke lomuntfu labesamentile.

Jobe 28:19

Ngeke kulinganiswe ngisho nanethophazi yaseKushe, kungeke kutsengwe ngisho nangegolide lecengiwe.

Isaya 14:11

Bonkhe bukhatikhati bakho nekuhlabela kwemahabhu akho sekwehliselwe phansi endzaweni yalabafile; timphetfu setilicansi lakho, netibungu setisembatfo sakho.

Isaya 23:16

“Manje, wena ngwadla asakukhohliwe emadvodza, tsatsa ilire yakho, uyewuzula edolobheni! Dlala tingoma letinyenti kakhulu ngelihabhu, khona emadvodza atekukhumbula.”

Isaya 24:8

Kutsakasa kwemafahlawane sekubindzisiwe, nemsindvo walabatijabulisako sewuthulisiwe, lihabhu lekutjakadvula selibindzile.

Isaya 30:32

Kuyawutsi njalo indvuku yaSimakadze nayehlela e-Asiriya, ngisho loluswati lwakhe lwekujezisa, kuyawuhambisana nekushaywa kwemafahlawane nemahabhu, asalwa nabo emphini ngengalo yakhe lematima.

Isaya 51:3

“Ngempela, Simakadze uyakuyidvudvuta iSiyoni, uyawutibuka ngesihawu tonkhe tindzala tayo; emahlane ayo uyakuwenta abe njenge-Edeni, tindzawo tayo letilihlane atente tibe njengensimi yaSimakadze. Kujabula nekutfokota kuyawutfolakala kuyo, yebo, kubonga kanye nemsindvo wekuhlabela.

Hezekeli 21:30

Buyisela inkemba emgodleni wayo. Endzaweni lapho wadalelwa khona, eveni labokhokho bakho ngiyawukwehlulela.

Hezekeli 26:13

Ngiyakuticedza tonkhe tingoma takho letinemsindvo; nemculo wemahabhu akho awusayiwuphindza uvakale.

Hezekeli 27:16

“ ‘Base-Aramu babetsengiselana nawe ngenca yebunyenti bemikhitsito yakho, babekutsengisela timphahla takho ngematje laligugu laluhlata, nangetindvwangu letibukhwebeletane, naletihlotjisiwe, nangelineni lecolisakele, nangekhorali, nangemarubhi.

Hezekeli 27:22

“ ‘Bahwebi baseSheba nebaseRama babetsengiselana nawe; ngetimphahla takho tekutsengiswa babekunika tinhlobonhlobo tetinongo leticolisakele, netematje laligugu, negolide.

Hezekeli 28:14

Wagcotjwa waba likherubhi lelingumelusi, ngobe ngakugcobela kona loko. Wawusentsabeni lengcwele yaNkulunkulu; wawuhambahamba emkhatsini wematje emlilo.

Hezekeli 28:15

Wawungasoleki etindleleni takho kusukela ngelilanga lowadalwa ngalo, kwadzimate kwaba ngumhlazana bubi butfolakala kuwe.

Hezekeli 36:35

Bayawutsi: “Lelive belilihlane lelingenalutfo selihlume laba njengensimi yase-Edeni; emadolobha labesasele atindzala, sekukhala libhungane kuwo, asabhujisiwe, nyalo asabiyelwe futsi asahlalwa bantfu.”

Joweli 2:3

Embikwaleso sive ngumlilo lokhotsako, emvakwaso lilangabi lelilavukako. Embikwaso live lifanana nensimi yase-Edeni, emvakwaso lilihlane lelingenalutfo. Kute lokusalako lapho sihambe khona.

Sembulo 17:4

Lomfati bekagcoke ingubo lebukhwebeletane nalebovu, abembeswe ngemihlobiso yegolide, nangematje laligugu, nangemapharele. Esandleni sakhe abephetse indzebe yegolide igcwele emanyala nekungcola kwebugwadla bakhe.

Sembulo 2:7

“ ‘Lowo lonendlebe akeve loko lokushiwo nguMoya emabandleni! “ ‘Loncobako ngiyawumnika kutsi adle esihlahleni sekuphila, lesisePharadisi yaNkulunkulu.’ ”