Hezekeli 27:22 - Siswati 1996 Bible

²² “ ‘Bahwebi baseSheba nebaseRama babetsengiselana nawe; ngetimphahla takho tekutsengiswa babekunika tinhlobonhlobo tetinongo leticolisakele, netematje laligugu, negolide.

Hezekeli 27:22 Referencias Cruzadas

Genesisi 10:7

Emadvodzana aKushe bekuboSeba, naHavila, naSabta, naRama, naSabtekha. Emadvodzana aRama bekuboSheba naDedani.

Genesisi 43:11

Israyeli, uyise, wakhuluma kubo watsi: “Nangabe kufanele kube njalo-ke, hambani netipho letititselo telikhetselo talelive, nitifake emasakeni enu, nifike nitiphe lendvodza leniyishoko: nitsatse litsantana lebhalisamu, neleluju lwetinyosi, nelemakha, nelemure, nelemaphisitakhiwo, nelema-alimondi.

1 Tikhronike 1:9

Emadvodzana aKushe bekuboSeba, naHavila, naSabta, naRama, naSabtekha. Emadvodzana aRama bekuboSheba naDedani.

Tihlabelelo 72:10

Shangatsi emakhosi aseThashishi nasetichingini, angetfula tipho kuyo. Shangatsi emakhosi aseSheba newaseSeba angetfula kuyo imitselo yawo.

Tihlabelelo 72:15

Shangatsi ingakhula idzimate ikhokhobe, iphiwe negolide yaseSheba. Shangatsi ingathandazelwa njalonjalo, icelelwe tibusiso taNkulunkulu ngato tonkhe tikhatsi.

Isaya 60:6

Imihlambi yemakamela iyawugcwala eveni lakho, emakamela lamancane akaMidiyani newase-Efa. Bonkhe baseSheba bayawuta, betfwele igolide nemphepho, bamemetela ludvumo lwaSimakadze.

Hezekeli 23:42

“Umsindvo wesicuku sebantfu labanganaki wawumtungeletile; emaSeba aletfwa esuka ehlane akanye nemadvodza labephuma esicukwini setihlangananhloko, bagabisa lomfati emabhengele emikhonweni yakhe kanye nadzadzewabo, bafaka nemichele lemihle etinhloko tabo.

Hezekeli 28:13

Wawuse-Edeni, sivandze saNkulunkulu. Wawuhlotjiswe ngawo onkhe ematje laligugu: ngemarubhi, nangemathophazi, nangema-emeraldi, nangemakhrisolithe, nangema-oniksi, nangemajasiphi, nangemasafire, nangemathekhosi, nangemabherili. Kwekuhlanganisa lamatje akho laligugu nekwekuwanamatsisela kwakwentiwe ngegolide. Kwalungiswa kahle konkhe loko ngelilanga lowadalwa ngalo.

Hezekeli 38:13

BaseSheba, nebaseDedani, nebahwebi baseThashishi nebakuyo yonkhe imiti yayo bayawutsi kuwe: “Utewuphanga yini? Lolucucaba lwakho ulubutsele kutasemuka timphahla yini, wetfwale isiliva kanye negolide, utsatse tifuyo netimphahla, utsatse nemphango lenyenti?” ’