Hezekeli 27:18 - Siswati 1996 Bible

¹⁸ “ ‘BaseDamaseko nabo babekutsengisela kakhulu ngemikhitsito yakho nangebunjinga bakho lobukhulu betinhlobonhlobo tetimphahla letitsengiswako, bona-ke babekutsengisela tona ngeliwayini laseHelboni nangensontfo yaseSahari.

Hezekeli 27:18 Referencias Cruzadas

Genesisi 14:15

Kwatsi ebusuku wahlelembisa libutfo lakhe ngeticheme talo. Wawahlasela wawehlula, wawacosha waze wawabeka eHoba, enyakatfo neDamaseko.

Genesisi 15:2

Kodvwa Abrama watsi: “Awu, Simakadze Nkulunkulu, utangiphani, ngobe seloku anginamntfwana? Indlalifa yami kutawuba ngu-Eliyezeri waseDamaseko.”

Isaya 7:8

Ngobe inhloko yaseSiriya yiDamaseko, nenhloko yeDamaseko nguResini kuphela. Kusengakapheli iminyaka lengema-65, baka-Efrayimu bayawube sebahlakateke kakhulu, sebangasesiso sive.

Jeremiya 49:23

Macondzana neDamaseko: “IHamathi ne-Aphadi kujabhile, ngobe kuve tindzaba letimbi. Kuphelelwe tinhlitiyo, kugubhutele njengemagagasi elwandle.

Hezekeli 27:19

“ ‘BakaDani nemaGriki ase-Uzali babetsenga timphahla takho ngensimbi lebunjiwe, nangetinandzisi ikhasiya nekhalamusi.

Hezekeli 27:33

Ngesikhatsi timphahla takho tekutsengiswa tisatfunyelwa elwandle, kwakusitakala tive letinyenti; ngebunjinga bakho lobunyenti nangetimphahla takho tekutsengiswa wawanjingisa emakhosi emhlaba.

Imisebenti yebaPhostoli 9:2

Wafike wacela tincwadzi tekumetfula emasinagogeni emaJuda aseDamaseko, kuze atsi nakakhandza lapho nobe bobani lababalandzeli baleNdlela yeNkhosi, abe nemandla ekubabopha, labadvuna nalabasikati, abatsatse abamikise eJerusalema.